Zyrtarët ushtarakë amerikanë njoftuan se janë gjetur mbetjet e avionit ushtarak F-35 që u zhduk pasi piloti u hodh mbi shtetin e Karolinës së Jugut, raporton BBC.
Mbetjet e një avioni 100 milionë dollarësh që u zhduk të dielën pasdite u zbuluan në kontenë rurale të Williamsburg, thanë autoritetet.
Në një deklaratë, zyrtarët ushtarakë thanë se eshtrat u gjetën “dy orë në verilindje të bazës ushtarake Charleston”.
Mbetjet e gjetura janë konfirmuar si rrënojat e avionit të zhdukur, tha një zëdhënës i ushtrisë për BBC.
“Aksidenti është aktualisht nën hetim dhe ne nuk jemi në gjendje të japim detaje të mëtejshme për të ruajtur integritetin e procesit hetimor”, tha ushtria amerikane të hënën pas përfundimit të kërkimit.
Publikut i është kërkuar të qëndrojë larg zonës për të lejuar hetuesit të kryejnë punën e tyre.
Një avion luftarak amerikan F-35 u zhduk në Karolinën e Jugut pasi piloti u hodh dhe zyrtarët ushtarakë u bënë thirrje qytetarëve që t’i ndihmonin ata të gjenin avionin “të padukshëm”.
Piloti u hodh gjatë aksidentit në mënyrë të sigurt dhe është në një gjendje të qëndrueshme në spital, raportoi më parë “The Guardian”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
E enjtja e interpelancave – Opozita kërkon sqarime nga dy ministra
-
Puna e detyruar, çfarë parashikon projektligji i ri për studentët e mjekësisë
-
Pekini forcon kontrollin ndaj gjigantëve kinezë të mediave sociale
-
Biserko: Shpresoj që Kosova të bëhet anëtare e KiE-së, do ishte pozitive edhe për komunitetin serb
