Senati ka bllokuar dy herë certifikimin e zgjedhjeve në SHBA. Fillimisht për shtetin e Arizona-s, më pas për atë të Pennsylvania-s.
Fillimisht, gjashtë senatorë bllokuan certifikimin e shtetit të Arizona-s. Gjashtë republikanët Ted Cruz, Josh Hawley, Cindy Hyde-Smith, Roger Marshall, John Kennedy dhe Tommy Tuberville, u shprehën kundër certifikimit.
Të gjashtë senatorët kanë qenë mbështetës të presidentit Donald Trump gjatë periudhës pas zgjedhore.
Votimi i Senatit në tërësi ishte 93-6. Pavarësisht kundërshtisë nga republikanët, kërkesa e tyre u hodh poshtë duke mos u marrë parasysh.
Shteti tjetër i bllokuar ishte Pennsylvania. Senatori Kennedy u tërhoq këtë herë dhe votoi pro certifikimit. Gjithsesi, pesë republikanëve të mbetur, iu shtuan edhe senatorja e Wyoming-ut, Cynthia Lummis dhe ai i Florida-s Rick Scott.
Në tërësi, votimi për Pennsylvania-n ishte 92 pro dhe shtatë kundër.
Kjo bëri që Senati të tërhiqej dhe të mblidhej për të diskutuar çështjen. Pas një mosdakordësie tjetër, fjala i kaloi Kongresit.
Përpjekja për të shpallur të pavlefshme votat elektrola të Pennsylvania-s, dështoi. Kërkesa u rrëzua dhe 20 votat elektorale të shtetit lindor, shkuan për presidentin e zgjedhur Joe Biden.
Tentative për bllokimin e certifikimit nga republikanët nuk kaloi pa debate të ashpra.
Përfaqësuesi demokrat nga Michigan-i, Dan Kildee, u shpreh i indinjuar nga kjo përpjekje për të zvarritur procesin. “Shpresoj që SHBA-ja t’i mbajë mend gjatë emrat që i hodhën benzinë çmendurisë”, deklaroi ai.
Pas kalimit të votave të Pennsylvania-s në favor të Biden-it, pritet certifikimi i fitores së tij në zgjedhjet presidenciale amerikane./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pentagoni, 1 miliard dollarë ndihmë të re ushtarake për Ukrainën
-
Kryeministri australian e quan Musk ‘një miliarder arrogant që mendon se është mbi ligjin’
-
Tajvani zotohet të heqë 760 statuja të diktatorit kinez Chiang Kai-shek
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë