Shakira thotë se thashethemet se ajo zbuloi Pique-n duke e tradhtuar janë “të pavërteta”

Këngëtarja latine Shakira i ka komentuar thashethemet për mënyrën e ndarjes së saj nga ish partneri, futbollisti i dikurshëm Gerard Pique.

Në një intervistë të re dhënë për The Sunday Times, transmeton AlbanianPost – ylli i hitit “Hips Don’t Lie”, 47 vjeçe, pati një përgjigje të thjeshtë kur u pyet nëse tradhtia e pretenduar e ish-partnerit të saj prej shumë kohësh kishte ndodhur realisht.

“Nuk është e vërtetë”, i tha ajo gazetës.

Ajo dhe Pique, 37 vjeç, i dhanë fund publikisht romancës së tyre 11-vjeçare në qershor të vitit 2022.

Ata kanë dy djem, Milanin, 11 vjeç dhe Sashan, 9 vjeçe.

Menjëherë pas ndarjes së çiftit, ish-futbollisti filloi të takohej me Clara Chia Marti.

Megjithatë, vetëm dy muaj para se Shakira dhe atleti të ndaheshin, ajo publikoi këngën dhe videoklipin e “Te Felicito” me Rauw Alejandro.

Videoja muzikore, e cila tregon këngëtaren duke kërkuar në frigoriferin e saj, nxiti spekulime se si superylli kolumbian mund të ketë marrë vesh për marrëdhënien e Pique dhe Martit.

Ajo u pyet më vonë për momentin kur ajo vizitoi shfaqjen televizive në Mbretërinë e Bashkuar “This Morning” në maj të vitit 2022.

Në intervistën, e cila u përkthye nga spanjishtja në anglisht për ShowNews Today, Shakira thuhet se ka kërkuar në frigorifer “për të gjetur të vërtetën”, duke shtuar: “Është kur shkoj në frigorifer dhe gjej kokën e Rauw Alejandro”.

Publikimi iu referua gjithashtu një interviste me shfaqjen televizive spanjolle “Socialite” duke pretenduar se artistja e “She Wolf” mësoi për pabesinë e supozuar të Pique pasi ajo u kthye në shtëpi nga një udhëtimi dhe vuri re se diçka mungonte në frigorifer ani pse fëmijët dhe ish futbollisti profesionist nuk kishin qenë aty.
Kjo thuhet se ka qenë pikënisje e dyshimeve për tradhti nga Pique, pasi vihej re se dikush me patjetër kishte qenë në shtëpi.

Albumi i saj i fundit, “Las Mujeres Ya No Lloran” (Gratë nuk qajnë më) është tërësisht në spanjisht dhe pritet të publikohet këtë të premte të 22 marsit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.