Lajme

S’dihet numri i të infektuarve me COVID në komunat serbe në Kosovë


Ilustrim

Ministria e Shëndetësisë dhe Instituti Kombëtar i Shëndetësisë Publike të Kosovës, nuk japin informata për rastet aktive në 12 komuna, ku kryesisht drejtohen prej serbëve në Kosovë.

Ende nuk dihet nëse këto komuna nuk i përgjigjen MSH-së dhe IKSHPK-së, por në raportin e fundit të publikuar nuk janë raportuar numrat e të infektuarve në Zveçan, Zubim Potok, Ranillug, Partesh, Novobërdë, Mitrovicë e Veriut, Mamushë, Leposaviq, Kllokot, Junik, Shtërpcë dhe Graçanicë.

Grafika e MSH-së për numrin e rasteve aktive me COVID

Ndërkohë, me më së shumti raste aktive me COVID-19, është sërish Prishtina, ku gjithsej janë 4045 raste, raporton KP.

Të shtunën, Instituti Kombëtar i Shëndetit Publik në Kosovë ka raportuar 14 persona të vdekur nga COVID-19 dhe 583 persona të infektuar.

Numri i të infektuarve vjen nga 9 mijë e 634 mostra të marra nga Shërbimi Spitalor dhe Klinik Universitar i Kosovës.

Sipas IKSHPK-së gjatë 24 orëve të fundit janë shëruar gjithsejtë 1 mijë e 944 persona.

Raste aktive me COVID-19, janë gjithsejtë 18 mijë e 548.

Numri i të vaksinuarve brenda 24 orëve të fundit është gjithsejtë 19 mijë e 807.

Numri i të vaksinuarve me vetëm dozën e parë të vaksinës anti-COVID është gjithsejtë 660 mijë e 100 ndërsa numri i të vaksinuarve me të dy dozat është gjithsejtë 355 mijë e 633.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore