Samiti i Tiranës: Përgënjeshtrohen mediat serbe – i pavërtetë lajmi për “deklaratën e përbashkët”
Kryeministria e Shqipërisë i ka quajtur krejtësisht fiktive raportimet e mediave serbe se ekzistonte një dokument i cili do të duhej të nënshkruhej si deklaratë e përbashkët e liderëve të Ballkanit Perëndimor nga Samiti i Tiranës, porse atë nuk e nënshkroi Kryeministri i Kosovës, Albin Kurti, meqë nuk shkruhej “Republika e Kosovës” në të.
Burime brenda qeverisë shqiptare i kanë thënë Albanian Post se “një dokument i tillë nuk ka ekzistuar fare dhe nuk është vendosur në tavolinë”.
Rrjedhimisht, nuk ka pasur se si të ketë diçka për t’u nënshkruar.
Ishte fillimisht agjencia serbe e lajmeve Tanjug që raportoi një lajm të tillë.
Media serbe shkruante se po mbështetej në burime të vetat që i kishte brenda Samitit.
Lajmin, ashtu siç e raportuan serbët, e ka mohuar edhe Qeveria e Kosovës, përveç asaj të Shqipërisë.
Zëdhënësja e ekzekutivit kosovar, Rozafa Kelmendi, deklaroi në prononcim për Albanian Post, se gjithçka është një shpikje.
“Lajmi për refuzimin e nënshkrimit të deklaratës së përbashkët nga Kryeministri i Republikës së Kosovës, Albin Kurti, është i pavërtetë”, ka thënë ajo.
Megjithatë, ndryshe nga qeveria shqiptare që mohoi ekzistimin e tërësishëm të dokumentit, Kelmendi tha se diçka ekzistonte, porse u tërhoq, “pasi është vërejtur që ka dallime të mëdha mes Kosovës dhe Serbisë”.
Kelmendi nuk sqaroi më shumë as rreth dokumentit e as rreth atyre “dallimeve të mëdha”.
Se ka ekzistuar ideja për një deklaratë të përbashkët nuk e ka thënë zyrtarisht as kryeministrja e Serbisë, Ana Bërnabiç.
Ajo, kur ka folur për media, ka përmendur “provokimet e Kurtit”.
“Unë mendoj se kishte provokime dhe idetë e tij rreth asaj se si duhet të duket bashkëpunimi rajonal, por unë mendoj se ai mori një përgjigje të përshtatëshme dhe situatën faktike”.
Në anën tjetër, Kurti i pyetur mbi qëndrimin e Serbisë për pavarësinë, tha se Serbia duhet të shkëputet nga regjimi i Slobodan Millosheviçit dhe të njohë pavarësinë e Kosovës.
Samiti i Ballkanit Perëndimor u zhvillua të enjten në Tiranë dhe mblodhi drejtuesit më të lartë të Shqipërisë, Kosovës, Serbisë, Maqedonisë së Veriut, Malit të Zi dhe Bosnje Hercegovinës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parashikimi i motit, 29 mars 2024
-
Zbatimi i hartës së re gjyqësore, Manja pret në zyrë kryeprokurorin Çela dhe Llagamin
-
Olsi Rama hedh poshtë akuzat e Bardhit për lidhjet me drogën: Vijnë nga një i paburrë
-
GJKKO i caktoi arrest në burg, Qato: Kam zbatuar ligjin, i keqardhur që SPAK ka rënë pre e presionit politik
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë