Qeveria e Kinës e ka cilësuar si “gabim” ftesën që presidenti i Shteteve të Bashkuara (SHBA), Joe Biden, i ka bërë Tajvanit, për të marrë pjesë në samitin e demokracisë, ku do të jenë edhe 105 qeveri të tjera demokratike.
Departamenti i Shtetit të SHBA-ve njoftoi të martën se Tajvani është në listën e pjesëmarrësve të eventit që pritet të mbahet muajt e ardhshëm.
Tajvani është shtet vetëqeverisës i pavaruar, por Pekini pretendon se është një provincë e Kinës, ndaj e ka akuzuar qeverinë e tij për separatizëm.
Mbledhja inauguruese konsiderohet si një provë e zotimit të Bidenit për të kthyer SHBA-të në pozicionin e liderit global, për të sfiduar forcat autoritare të udhëhequra nga Kina dhe Rusia.
Ndërkohë, asnjë prej shteteve nuk është pjesë e samitit virtual, të planifikuar për më 9 dhe 10 dhjetor.
Teksa të mërkurën, Zhu Fenglian, zëdhënësja e Zyrës së Çështjeve të Tajvanit të Kinës, u bëri thirrje SHBA-ve për t’iu përmbajtur parimit “një Kinë” dhe tre komunikata të përbashkëta”.
Politika “një Kinë”
Politika “një Kinë” e SHBA-ve tregon se Pekini pretendon Tajvanin si një provincë, por nuk thotë se e njeh atë.
Që nga marrja e detyrës, Biden dhe Shtëpia e Bardhë kanë përsëritur mbështetjen e gjatë të SHBA-ve për mbështetjen e kësaj poltike.
Por, gjithashtu, SHBA-të kundërshtojnë fuqimisht përpjekjet e njëanshme për të ndryshuar status quo-në dhe për të minuar paqen dhe stabilitetin përtej ngushticës së Tajvanit.
Pekin-Taipei
Gjatë një samiti virtual me Biden javën e kaluar, udhëheqësi i Kinës, Xi Jinping, tha se Pekini nuk do të ketë “asnjë alternativë tjetër veçse të marr masa drastike” nëse “vijat e tyre të kuqe” kaloheshin.
Pekini, i cili e sheh demokracinë vetëqeverisëse si një provincë të shkëputur, ka fajësuar tensionet në rritje për atë që e quan “bashkëpunim të fshehtë” midis Washington-it dhe Taipeit.
Në samitin e ardhshëm Biden-Xi, Wang theksoi “rëndësinë e tij të madhe” jo vetëm për marrëdhëniet SHBA-Kinë, por edhe për marrëdhëniet ndërkombëtare.
/Albanianpost.com
