Sa mirë mund t’i përballojë sanksionet ekonomia e Rusisë?

Kur Rusia aneksoi Krimenë në vitin 2014, Bashkimi Evropian, Shtetet e Bashkuara dhe vende të tjera goditën Moskën me masa ndëshkuese ekonomike.

Individët dhe organizatat ruse që atëherë janë sanksionuar për ndërhyrje në zgjedhjet jashtë shtetit, sulme kibernetike dhe veprime të tjera.

Rusia ka grumbulluar mbi 150 mijë trupa përgjatë kufijve të Ukrainës. Perëndimi frikësohet se ky mund të jetë një prelud i një pushtimi në shkallë të plotë.

Si përgjigje, SHBA-të po kërcënojnë me vendosjen e sanksioneve shtesë.

Kjo, duke përfshirë ndërprerjen e aksesit të bankave ruse në dollar dhe përdorimin e kontrolleve të reja të eksportit.

Megjithatë, Rusia ka ndërmarrë hapa për të mbrojtur veten kundër goditjes ekonomike që mund të imponojnë sanksionet.

Vendi ka shkurtuar buxhetin e tij, ka rritur rezervat valutore dhe ka kërkuar të diversifikojë portofolin e tij tregtar për t’u bërë më pak i varur nga BE-ja për të ardhurat nga eksporti.

Bashkimi Evropian është e varur nga Rusia pasi furnizohet me një të tretën e importeve të saj të gazit natyror.

Që nga janari, SHBA-të dhe Evropa nuk po peshonin drejtpërdrejt sanksionet kundër eksporteve ruse të naftës dhe gazit natyror.

Kjo, duke pasur parasysh shqetësimin se një veprim i tillë mund të rriste kostot tashmë të larta të energjisë në Evropë.

Ndërsa BE-ja mbetet partneri më i madh tregtar i Rusisë, Rusia ka bërë përpjekje për të diversifikuar, duke zgjeruar lidhjet me Kinën.

Këto përpjekje përfshijnë hapjen e një gazsjellësi të madh drejt vendit në vitin 2019.

Eksportet e gazit natyror në Kinë janë rritur që atëherë, por janë ende të vogla në krahasim me blerësit e tjerë të mëdhenj të gazit të Rusisë.

Administrata Biden po peshon gjithashtu një ndalim të eksporteve të produkteve të ndryshme që përdorin mikroelektronikë të bazuar në pajisjet, softuerët ose teknologjinë amerikane.

Kufizimet mund të ngushtojnë aftësinë e Rusisë për të bërë përparime në hapësirën ajrore, inteligjencën artificiale dhe fusha të tjera të teknologjisë së lartë.

Moska ka punuar për të forcuar financat e saj, të cilat mund të ndihmojnë në zbutjen e ekonomisë dhe mbajtjen e qeverisë të financuar në rast të sanksioneve.

Vendi ka drejtuar një politikë fiskale konservatore dhe ka shkurtuar borxhin në raport me vendet e tjera si SHBA-të dhe aleatët e saj evropianë.

Rusia ka përdorur të ardhurat nga nafta dhe gazi për të krijuar stokun e saj të arit dhe valutës së huaj që nga kriza e Ukrainës e vitit 2014.

Moska mund t’i përdorë këto për të ndihmuar në mbështetjen e rublës.

Kjo, nëse sanksionet shkaktojnë rënien e monedhës, ose për të ndihmuar në mbulimin e shpenzimeve të qeverisë.

Pra autoritetet ruse kanë pasur kohë të ripërgatisin ekonominë e tyre, duke e bërë atë më rezistente ndaj masave ndëshkuese, kështu që efektiviteti përfundimtar i sanksioneve mbetet i pasigurt.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.