Sa i kushton Juventus-it ndërprerja e kontratës me Pogba-n

Çështja Pogba është në qendër të vëmendjes te Juventus.

Klubi torinez është goditur nga rasti i dopingut të mesfushorit të tij, i cili dyshohet se ka marrë suplemente pa dijeninë e vetë klubit.

Suplementet që do të kishin shkaktuar testin antidoping pozitiv të kryer pas ndeshjes mes Bardhezinjve dhe Udinese-s në ditën e parë të Serie A.

Nëse ky rezultat do të vërtetohej nga kundëranaliza, Pogba do të përballet me një skualifikim pak a shumë të gjatë.

Ndalimi nga aktiviteti sportiv mund të zgjasë deri në 4 vjet, një goditje e rëndë për një lojtar që është mbi 30 vjeç dhe që po përpiqej të rikuperohej nga problemet fizike që dëmtuan të gjithë sezonin 2022/23.

Në rast skualifikimi të rëndë, Juventus do të mund të vazhdojë me zgjidhjen e kontratës.

Por si do të ndikonte ky veprim në llogaritë e klubit të Juventusit?

Nëse kundëranaliza konfirmonte dopingun, klubi do të kishte të drejtë të ndalonte pagesën e pagës së Pogba-s, me përjashtim të minimumit kontraktual (42 mijë euro bruto në vit).

Në rast të një dënimi, Juventus mund të vendosë të ndërpresë kontratën.

Në rastin më të fundit – në atë që ka të bëjë me mbrojtësin e Atalantas, Palomino – dënimi (me atë rast të pafajësisë) erdhi katër muaj pas zbulimit të pozitivitetit.

Duke supozuar kohë të ngjashme, nga janari Juventus mund të vendosë t’i japë fund marrëdhënies me francezin.

Nëse do të ishte kështu, klubi i Juventus-it do të regjistronte një zhvlerësim prej afërsisht 1.57 milionë euro (kjo do të jetë vlera neto e bilancit të Pogba në janar 2023).

Në të njëjtën kohë, Juventus do të kursente 5.25 milionë euro për gjashtë muajt e pagave të papaguara nga janari në qershor.

Duke i shtuar këtë shumë periudhës në të cilën mund të pezullohet paga – le të supozojmë nga fundi i shtatorit – dhe duke marrë parasysh efektin negativ të zhvlerësimit, kursimi i një lamtumire në llogaritë 2023/24 do të ishte gjithsej 6.3. milionë euro.

Kjo është padyshim një hipotezë, sepse shumë do të varet nga konfirmimi i mundshëm i kundër-analizës dhe vendimi i Gjykatës Kombëtare Antidoping.

E sigurt është se Juventusi do të mund të vazhdojë me pezullimin e pagës, siç parashikohet në marrëveshjen kolektive mes Lega Serie A, FIGC-së dhe Shoqatës së Futbollistëve Italianë.

Marrë dhe përshtatur nga “Calcio e Finanza” për Albanian Post

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.