Irani dhe Rusia nënshkruan një marrëveshje për prodhimin e dronëve në territorin rus.
Lajmi u bë i ditur nga gazeta amerikane “Washington Post”, duke iu referuar të dhënave të inteligjencës amerikane dhe perëndimore.
Sipas botimit amerikan, Moska zyrtare arriti privatisht një marrëveshje me Teheran-in për fillimin e prodhimit të qindra dronëve në territorin e Federatës Ruse.
Zyrtarët rusë dhe iranianë finalizuan marrëveshjen gjatë një takimi në Iran në fillim të nëntorit, thanë tre zyrtarë në kushte anonimiteti.
Të dyja vendet po shpejtojnë për të dorëzuar dizajnet dhe komponentët kryesorë që mund të lejojnë fillimin e prodhimit brenda muajve.
Për Moskën, kjo marrëveshje mund të plotësojë nevojën akute për municion me precizion të lartë, i cili është në mungesë pas nëntë muajsh luftime.
Marrëveshja ofron gjithashtu përfitime të rëndësishme ekonomike dhe politike për Iranin, thanë zyrtarët.
Udhëheqësit e Iranit mund të besojnë se mund të shmangin sanksionet e reja nëse dronët montohen fizikisht në Rusi, thanë zyrtarët.
Fabrikat ruse kanë kryer më parë modifikime të vogla në disa prej dronëve të blerë nga Irani, duke ndryshuar, për shembull, emrin dhe skemën e ngjyrave për t’i bërë ato më të ngjashme me ato ruse.
Por deri më tani, nuk ka pasur prodhim vendas të UAV-ve të zhvilluara nga Irani në tokën ruse, shkruan botimi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Rikonfirmohet mbështetja e pakusht e Kosovës ndaj Ukrainës kundër agresionit rus
-
Autorja e sulmit terrorist në Stamboll dënohet me 7 burgime të përjetshme dhe 1794 vjet burg
-
Spanja pezull në pritje të reflektimit të Sánchez për dorëheqjen
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
Kurti kërkon nga Baerbock vazhdimin e mbështetjes së Gjermanisë për anëtarësimin e Kosovës në KiE