Rritja vjetore e pagave bruto në Shqipëri arrin në 17% në tremujorin e dytë

Paga mesatare mujore bruto e Shqipërisë u rrit me 16.9% nga viti në vit në 70,905 lekë (712 dollarë/663.6 euro) në tremujorin e dytë të 2023.

Kjo, pas një rritjeje vjetore prej 9.2% në tremujorin e parë, tha Zyra Kombëtare e Statistikave.

Paga mesatare bruto në sektorin publik arriti në 82,207 lekë, ndërsa në sektorin privat në 65,901 lekë, thuhet në një deklaratë të hënën nga shërbimi statistikor i INSTAT.

Gjatë periudhës prill-qershor, paga mesatare më e lartë, me vlerën 149,091 lekë, është vërejtur në sektorin e shërbimeve financiare dhe të sigurimeve, ku pas saj është sektori i informacionit dhe komunikimit me 112,114 lekë.

Nga ana tjetër, paga më e ulët e regjistruar, 47,068 lekë, u gjet në sektorin e bujqësisë, pylltarisë dhe peshkimit.

Paga minimale mujore bruto në Shqipëri aktualisht është 40 000 lekë.

Rritja u bë me 6 mijë lekë.  Kjo pagë iu atribua si sektorit publik, edhe atij privat dhe reflektoi një rritje prej 17% në krahasim me pagën që ishtenë treg.

Impakti kryesor u pa te punonjësit, të cilët marrin pagë minimale në vend dhe përbën të ardhurat kryesore të këtyre personave.

Paga minimale shkon në 40 mijë lekë në prill

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.