Bazuar në publikimin e raportit “Analiza e trendit të qëndrimeve të komunitetit serb në Kosovë” nga organizata joqeveritare “Aktiv” rezulton që 70 për qind e serbëve në Kosovë konsiderojnë se nga akterët ndërkombëtarë, Rusia është mbrojtësi më i mirë i interesave të komunitetit serb në Kosovë.
Në këtë hulumtim i cili është prezantuar në Prishtinë, vetëm 4 për qind e tyre mbështesin idenë e ndryshimit të kufijve.
“Të dhënat nga hulumtimi i këtij viti tregojnë se kënaqëshmëria me gjendjen aktuale politike, ekonomike dhe të sigurisë në Kosovë është shumë e ulët. Krahasuar me hulumtimet e vitit 2020 dhe 2021, vërehet një rënie shtesë e kënaqëshmërisë lidhur me gjendjen materiale të të anketuarve”, thuhet në raport.
Ndërsa 53 për qind e të anketuarve kanë qëndrim negativ ndaj Bashkimit Evropian.
Gjithashtu 67 % e të anketuarve janë deklaruar se në Kosovë nuk ka parti apo politikanë të cilëve u besojnë.
Nga të anketuarit, 55 për qind e tyre konsiderojnë se në tri vitet e ardhshme jeta e serbëve në Kosovë do të përkeqësohet derisa vetëm 7 për qind e tyre mendojnë që situata në Kosovë është duke shkuar në drejtimin e duhur.
Ndryshe, Komisioni Qendror i Zgjedhjeve këtë të hënë pritet të certifikojë kandidatët për kryetar të katër komunave për zgjedhjet e jashtëzakonshme të cilat do të mbahen më 18 dhjetor në Mitrovicë të Veriut, Leposaviq, Zveçan dhe Zubin Potok.
Zgjedhjet në këto katër komuna po mbahen pasi Lista Serbe vendosi të largojë kryetarët në këto komuna, për arsyeje se Qeveria e Kosovës vendosi të zbatojë vendimin e sekuencuar për targa.
Vendimi tashmë është shtyrë dhe më nuk ka as qortime as gjoba për shoferët me targa “KM”, por ligjërisht dorëheqja e mandateve nënkupton zgjedhje të reja komunale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Cilët janë katalizatorët që do ta ndezin fushatën e partive politike ndërsa nis sezoni zgjedhor në Kosovë?
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë
-
Rusia pëson sërish disfatë në OKB, dështon seanca për Kosovën
-
Abdixhiku: Për çdo ditë pune për tre vjet, qeveria dha nga një tender sekret – plot 209 milion euro
Lajmet kryesore
-
Zgjerimi i BE-së: Sa afër anëtarësimit janë nëntë vendet kandidate?
-
Këshilli Bashkiak i Himarës cakton pasuesin e Jorgo Goros
-
Rusia e vendos Evropën në një udhëkryq: Sa do të kushtonte riarmatimi?
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë