Rregullat për transparencën e zyrtarëve me lobistët jo në përputhje me standardet evropiane, ravijëzon raporti i KE

Rregullat për transparencën e kontakteve të zyrtarëve të lartë të qeverisë me lobistët dhe palët e treta, si dhe në kufizimet pas punësimit për të shmangur konfliktin e interesit, janë gjithashtu të papërshtatshme.

Kështu thuhet në raportin e fundit të Komisionit Evropian mbi Sundimin e Ligjit në Shqipëri.

“Kuadri ligjor për konfliktin e interesave, donacionet, sponsorizimet dhe financimin e partive politike nuk është në përputhje me standardet evropiane”.

Sipas zbulimeve të raportit, rregullat se si zyrtarët e nivelit të lartë qeveritarë angazhohen me lobistët dhe palët e tjera të treta nuk mbulojnë të gjitha ndërveprimet përtej takimeve personale dhe nuk përmbajnë një kërkesë për të publikuar informacionin e ndërveprimeve të tilla.

“Numri i ulët i raporteve të sinjalizuesve është, sipas palëve të interesuara, për shkak të autocensurës dhe mungesës së besimit në efektivitetin e masave të mbrojtjes. Kuadri ligjor për mbrojtjen e sinjalizuesve është pjesërisht në përputhje me acquis të BE-së”.

Referuar raportit të KE, korrupsioni është i përhapur në shumë fusha, duke përfshirë gjatë fushatave elektorale, me masat parandaluese që vuajnë nga një kuadër ligjor tepër kompleks dhe që vazhdojnë të kenë ndikim të kufizuar në sektorët e cenueshëm.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.