Rohde uron Kosovën: Gjermania do të jetë partnere e fortë në rrugën tuaj drejt integrimit euroatlantik
Ambasadori i Gjermanisë në Kosovë, Jorn Rohde, ka uruar Kosovën në përvjetorin e 16 të pavarësisë.
Përmes një postimi në platformën sociale, X, ambasadori gjerman ka garantuar Kosovën se Gjermania do të vazhdojë të jetë një shtet mik.
“Jini të sigurt se Gjermania do të vazhdojë të jetë një mike e ngushtë dhe partnere e fortë në rrugën tuaj drejt integrimit euroatlantik”, ka shkruar Rohde.
Happy Independence Day, dear Kosovo🇽🇰🫶🏽
Rest assured that Germany🇩🇪 will continue top be a close friend and strong partner on your way to Euro-Atlantic Integration!
🇩🇪🤝🏽🇽🇰 pic.twitter.com/xBcyr4klIS— Ambassador Jörn Rohde (@GermanAmbKOS) February 17, 2024
Gjatë ditës së sotme pavarësinë e Kosovës kanë uruar edhe krerët e shtetit Osmani, Kurti e Konjufca.
Osmani në rrejtin sociale Facebook ka thënë që “Të duam Kosovë, të lirë, të pavarur, sovrane e me aleatë. Urime ditëlindjen e 16-të”.
Në mbledhjen solemne të Qeverisë së Kosovës ditën e pavarësisë e ka uruar edhe kryeministri Kurti.
“26-vjetorin e epopesë së UÇK-së dhe 25-vjetorin e çlirimit tonë nga okupimi i Serbisë. Përvjetor të këtillë ofrojnë raste të përshtatshme për reflektime retrospektive, që rëndom mund të mos kemi kohë t’i bëjmë gjatë ditëve të tjera të vitit, kur jemi të zënë me urgjencat e përditshme që duhet të ballafaqohemi. Nga kemi ardhur, ku jemi dhe nga po shkojmë? Këto janë pyetjet që i shtrojmë secili. Përgjigjet tona nuk do të thotë se duhet të pajtohen me njëra-tjetrën”, tha ai.
Përveç Osmanit e Kurtit pavarësinë e Kosovës e ka uruar edhe kryetari i Kuvendit të Kosovës, Glauk Konjufca i cili falënderoi ushtarët që dhanë jetën për lirinë e Kosovës “veprimtarët politikë e miqtë ndërkombëtarët që dhanë gjithçka për Pavarësinë e Kosovës”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama: Po bëjmë negociata me Filipinet për të marrë krahë pune
-
“Asnjëherë s’më ka lënë në baltë – është i pa korruptuar”, Gërvalla me fjalë të mëdha për Kurtin
-
Kandidatja e partisë së Macron thotë se është mashtruar duke bërë një foto grupi ‘neo-naziste’
-
Haradinaj: E mbështes shpërbërjen e Kuvendit vetëm pas dorëheqjes apo shkarkimit të Kurtit
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë