Ambasadori i Gjermanisë në Kosovë, Jorn Rohde, nëpërmjet një postimi në platformën “X” të enjten, uroi NATO-n për shënimin e 75-vjetorit të lindjes, derisa veçoi rolin e aleancës më të fuqishme ushtarake në garantimin e stabilitetit në Kosovë nëpërmjet misionit paqeruajtës të KFOR-it.
Duke theksuar sukseset përgjatë ekzistencës 75-vjeçare, ambasadori gjerman përmendi edhe prezencën ushtarake të NATO-s në Kosovë për 25 vjet. Gjermania pritet të dërgojë rreth 150 ushtarë shtesë në Kosovë në prill për të përforcuar kontigjentin prej 71 trupave gjermane në kuadër të KFOR-it.
“Urime NATO-s, aleancës më të fortë dhe më të suksesshme në histori, ashtu sikurse u shpreh Sekretari i Përgjithshëm i NATO-s, Jens Stoltenberg – duke siguruar me sukses paqen dhe stabilitetin edhe në Kosovë përmes Forcës së NATO-s (KFOR) që vepron këtu për gati 25 vjet”, shkroi diplomati gjerman.
Prania e NATO-s në Kosovë është e domosdoshme për ruajtjen e paqes dhe stabilitetin në Ballkanin Perëndimor, u tha në raportin e përvjetshëm të aleancës së udhëhequr nga Shtetet e Bashkuara të Amerikës (SHBA), të cilin Stoltenbergu e prezantoi muajin e kaluar në selinë qendrore në Bruksel.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Serbia “vlerëson dhe mbështet” përpjekjet e Lajçakut për Asociacionin
-
Kadrijaj, Vetëvendosjes: S’i ha më kush foret tuaja, jeni hajna dhe do shkoni në burg
-
Bardiqi jep dorëheqje nga Bordi Drejtues i ShSKUK-së
-
Selmanaj për aferën me ambalazhues: Aliu nga konfuziteti tha shumë të pavërteta – është në siklet të madh
Lajmet kryesore
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
‘Kuvendi shkeli ligjin për votën e Diasporës’, Alibeaj: Çështja duhet të shkojë në SPAK
-
Versioni i Trump: Sërish dhunë nëse nuk fitoj? Varet
-
Shqipëria drejt prodhimit të dokumenteve digjitalë të identifikimit
