Me Projektligjin e ri për Komisionin e Pavarur për Media, Qeveria e Kosovës, në mënyrë indirekte përmes KPM-së do t’i kontrollojë, t’i monitorojë dhe në rast nevoje edhe t’i ndëshkojë mediat online që ofrojnë përmbajtje të videove, prandaj ambasadori i Gjermanisë në Kosovë, Jorn Rohde, ka paralajmëruar se Berlini zyrtar do të përcjellë nga afër se çfarë do të ndodhë me këtë ligj.
Nëpërmjet një postimi në llogarinë e tij në X, Rohde ka thënë çdo ndikim në pavarësinë e medias duhet shmangur.
Ai madje ka njoftuar se Shefi i Medias dhe i Komunikimit në Ambasadën e Gjermanisë, këtë të mërkurë, ka takuar anëtarët e Komisionit të Pavarur për Media ku ndër të tjera është diskutuar për Projektligjin e ri për KPM dhe sfidat aktuale me të cilat po përballet KPM.
Our Head of Press & Comms met today with the 🇽🇰 Independent Media Commission, discussing the draft law on IMC & current challenges the IMC is facing.
Independence of media is a fragile good & every political influence needs to be avoided. Related events will closely be followed! pic.twitter.com/idsBuaJsQw— Ambassador Jörn Rohde (@GermanAmbKOS) February 14, 2024
Në Kosovë KPM deri më tani ka rregulluar televizionet, radiot dhe operatorët kabllor ndërkaq mediat e shkruara/online janë vetë-rregulluar nëpërmjet Këshillit të Mediave të Shkruara të Kosovës – një praktik e përhapur gjithandej në rajon e Evropë.
Por, një gjë e tillë do të ndryshojë në momentin që iniciativa ligjore e hartuar nga ekzekutivi kosovar të hyjë në fuqi në Kuvend me votën e deputetëve.
Ngase mediat online, do t’i nënshtrohen licencimit shtetëror e paraparë në nenin 24 të Projektligjit për Komisionin e Pavarur për Media.
Një ndryshim i tillë u cilësua si “radikale” nga ana e Asociacionit të Gazetarëve të Kosovës, i cili kërkoi që Qeveria të heqë dorë nga ky projektligj, ngase sipas AGK-së, ky projektligj është “tentativë” për kontroll shtetëror të mediave online.
Me projektligjin në fjalë mediat online përveç licencimit shtetëror do të detyrohen edhe të regjistrohen në regjistrin e mediave online, i cili do të menaxhohet nga KPM-ja.
Mediat online, sipas kësaj iniciative ligjore, do të mund edhe të gjobiten deri në 40 mijë euro, gjobë kjo që sipas AGK-së mund të arrijë të mbyllë secilin medium online që operon në Kosovë.
“Ndëshkimi i mediave online” – çfarë po provon të bëjë qeveria me projektligjin e ri
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Shpërthimi i radhës nga Ilir Meta dhe synimi për të qenë koka e opozitës
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin