Portieri i Italisë dhe PSG-së, Gianluigi Donnarumma, ka folur gjatë grumbullimit me kombëtaren përsa i përketë rivalitetit për një vend në formacionin titullar në kryeqytetin francez.
Me Kombëtaren, Donnarumma është i palëvizshëm nga formacioni bazë. Por, në Paris gjërat janë ndryshe. Zgjidhja e parë e PSG-së në portë është Keylos Navas.
Deri më tani, ish-portieri i Milan-it ka luajtur shtatë nga 17 ndeshjet që francezët kanë bërë këtë sezon. Për të, kjo situatë nuk duket shumë shqetësuese, ndonëse e pranon që e ka vuajtur këtë rivalitet.
“Më lëndon të jem në stol. Situata do të zgjidhet së shpejti, jam i bindur”, tha italiani për “TNT Sports”.
“Në Milano jam mësuar të luaj gjithmonë nga fillimi dhe nuk është e lehtë. Megjithatë, rivaliteti nuk ndikon në paraqitjet e mia”.
“Ndonjëherë të qenurit në pankinë më lëndon, por , unë mendoj se kjo situatë do të zgjidhet shpejt”, përfundoi Donnarumma.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
