Rishi Sunak: Firmat e inteligjencës artificiale nuk mund të vetë-përcaktojnë detyrat e shtëpisë

Monitorimi i rreziqeve të paraqitura nga inteligjenca artificiale (AI) është shumë i rëndësishëm për t’ju lënë në dorë firmave të mëdha të teknologjisë.

Kështu ka deklaruar kryeministri britanik Rishi Sunak në një intervistë për median britanike “BBC”.

Ai ka thënë se qeveritë duhet të ndërmarrin veprime dhe firmat e AI-së nuk mund të lihen të “përcaktojnë detyrat e tyre të shtëpisë”.

Ai ka folur në Samitin e Sigurisë së AI-së, ku është shpallur një deklaratë globale për menaxhimin e rreziqeve të AI-së.

Samiti ka ardhur mes shqetësimeve në rritje për format shumë të avancuara të AI-së me aftësi ende të panjohura.

Deri më tani, vendet sapo kanë filluar të trajtojnë rreziqet e mundshme, të cilat mund të përfshijnë shkelje të privatësisë, sulme kibernetike dhe zhvendosje të vendeve të punës.

Sunak ka thënë se AI është një “teknologji transformuese” që mund të ketë përfitime të mëdha në spitale ose shkolla.

Por ai ka thënë se dëshiron që Mbretëria e Bashkuar dhe vendet e tjera të jenë në gjendje “të bëjnë testimin që është i nevojshëm për t’u siguruar që ne po i mbajmë qytetarët tanë dhe të gjithë të sigurt”.

“Duhet të ketë qeveri ose njerëz të jashtëm që e bëjnë atë punë”, ka theksuar ai.

Ai ka thënë po ashtu se shumë firma të AI-së i kanë dhënë tashmë Mbretërisë së Bashkuar akses në modelet e tyre përpara publikimit të tyre.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.