Rikthehet klasikja e futbollit gjerman, Dortmund-i përballet me Bayern-in

Gjashtë ndeshje për javën e 14 do të luhen këtë të shtunë në Bundesliga-n gjermane. Sfida më e rëndësishme e ditës është ajo mes Borussia Dortmund-it dhe Bayern Munich-ut.

Klasikja e futbollit gjerman do të luhet në “Signal Iduna Park”, duke filluar nga ora 18:30. Felix Zwayer-i do të jetë gjyqtari kryesor i takimit.

Një përballje tepër interesante mes dy skuadrave që janë në garë të ngushtë për titullin kampion. Aktualisht, bavarezët udhëheqin renditjen me 31 pikë. Një pikë më pak kanë verdhezinjtë.

Këtë sezon, Dortmund-i në shtëpi numëron shtatë fitore në po kaq ndeshje. Bayern-i numëron katër fitore, një humbje dhe një barazim në transfertë. Në total, të dy skuadrat numërojnë nga 10 fitore pas 13 javëve të luajtura.

Përballja e fundit mes tyre ishte në finalen e Superkupës së Gjermanisë. Bayern-i fitoi me rezultatin 3-1. Në kampionat, përballja e fundit ishte në mars të këtij viti. Edhe atë ndeshje e fitonin bavarezët, por me rezultatin 4-2.

Robert Lewandowski është shënuesi më i mirë në Bundesliga me 14 gola. Erling Haaland-i i Dortmund-it renditet i dyti me 10 gola. Asistuesi më i mirë në kampionat deri më tani është Thomas Muller-i Bayern-it, me 10 asiste.

Formacionet e mundshme:

Dortmund: Kobel – Meunier, Akanji, Hummels, Guerreiro – Can, Witsel, Dahoud – Brandt, Haaland, Reus.

Bayern: Neuer – Sule, Upamecano, Hernandez, Davies – Tolisso, Goretzka – Coman, Muller, Sane – Lewandowski.

Sfidat e tjera të të shtunës:

Mainz – Wolfsburg, ora 15:30

Hoffenheim – Eintracht Frankfurt, ora 15:30

Armina Bielefeld – Koln, ora 15:30

Bayer Leverkusen – Greuther Furth, ora 15:30

Augsburg – Bochum, ora 15:30

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.