Bundesliga gjermane do të rikthehet në fushë për javën e 18 dhe për herë të parë për këtë vit të ri kalendarik. Do të ketë vetëm një përballje këtë të premte.
Bayern Munich-u do të presë në “Allianz Arena” Borussia Monchengladbach-un, duke filluar nga ora 20:30.
Skuadra e Julian Nagelsmann-it vjen e përgjysmuar nga Covid-19 në këtë përballje. Lojtarë të rëndësishëm si Manuel Neuer, Dayot Upamecano, Corentin Toliso, Leroy Sane, Lucas Hernandez, Kingsley Coman dhe Alphonso Davies mungojnë.
Por edhe në krahun tjetër, për Adolf Hutter-in mungesat me peshë janë të pranishme. Denis Zakaria, Jonas Hofmann dhe Ramy Bensebaini do të mungojnë.
Edhe pse diferencat në tabelën e renditjes janë shumë të mëdha, Bayern-i në këtë sfidë do të kërkojë “hakmarrje”.
Ishte M’gladbach-u që i shkaktoi ndalesën e parë Bayern-it këtë sezon, në atë barazim 1-1 në ndeshjen hapëse të sezoni. Edhe pas 17 javëve të luajtura, ai është i vetmi barazim që kanë bavarezët.
Për t’u përmendur është edhe eleminimi “turpërues” që miqtë i bënë bavarezëve nga Kupa e Gjermanisë në tetor, pas asaj fitore në shifrat 5-0.
Momentalisht, Bayern-i udhëheq Bundesliga-n me 43 pikë. Nëntë pikë më shumë se Borussia Dortmund-i i vendit të dytë. Miqtë renditen të 14-ët me 19 pikë.
Bundesliga do të vijojë me ndeshjet e tjera:
Të shtunën
Leipzig – Mainz
Bayer Leverkusen – Union Berlin
Hoffenheim – Augsburg
Greuther Furth – Stuttgart
Freiburg – Armina Bielefeld
Eintracht Frankfurt – Borussia Dortmund
Të dielën
Hertha – Koln
Bochum – Wolfsburg
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Rusia vendos veto ndaj rezolutës së OKB-së për monitorimin e sanksioneve ndaj Koresë së Veriut
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë