Janë rikthyer në normalitet të plotë shërbimet publike në e-Albania.
Kështu ka bërë me dije Agjencia Kombëtare e Shoqërisë së Informacionit (AKSHI) në një njoftim për mediat të premten e 12 gushtit.
Ajo shkruan se pas thuajse katër javësh kundërveprimi intensive ndaj agresionit kibernetik, shërbimet online për qytetarët dhe bizneset janë normalisht të aksesueshme.
Aktualisht, 1 mijë e 224 nga 1 mijë e 225 shërbime online që jepen në platformën e-Albania, mund të përdoren nga qytetarët dhe bizneset me të njëjtën shpejtësi dhe lehtësi si më parë.
Tashmë platforma e-Albania aksesohet dhe nga jashtë territorit të Republikës Shqipërisë dhe mund të aplikohet për 36 shërbimet konsullore.
AKSHI njofton se stafi i inxhinierëve po punon për të kthyer në normalitet dhe shërbimin e fundit të mbetur: njehsimi i diplomave dhe certifikatave të lëshuara nga institucionet e huaja.
Në njoftim shprehet mirënjohja e institucionit për të gjithë punonjësit e ekipit që ia dolën të rikuperojnë shërbimet publike online, si dhe skuadrën speciale të Microsoft për ndihmën e ofruar gjatë gjithë këtyre ditëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
U mbyt në det teksa peshkonte para 2 muajsh, gjendet në brigjet e Kroacisë trupi i 40-vjeçarit
-
‘Dorëzohet’ gjyshja, dorëzon pas një jave 3-vjeçarin në Durrës
-
Zbardhen emrat, mes të proceduarve për protestën para Bashkisë Tiranë edhe dy politikanë
-
Moody’s me vlerësim ‘pozitiv’ për Shqipërinë, ulet borxhi dhe rritet ekonomia