Richarlison ishte futbollisti i ndeshjes takimin që skuadra e tij, Tottenham, e fitoi me rezultat 2:0 ndaj Marseille-s në Ligën e Kampionëve.
Braziliani shënoi te dy golat për Spurs, derisa kjo ishte ndeshja e parë në karrierën e tij në Champions.
Pas përfundimit të ndeshjes, Richarlison nuk arriti t’i mbante lotët, derisa më vonë tregoi arsyen pse u emocionua aq shumë.
"It was one of the best days of my life. My father has been with me through all my career. He helped me to make my dreams come true. To have him here was very emotional for me, because he's a huge part of my success."
📰 @standardsport pic.twitter.com/AIP1cufpvR
— Daily Hotspur (@Daily_Hotspur) September 8, 2022
“Babai im ishte këtu, ai ka qenë me mua gjatë gjithë karrierës sime, ai më ndihmoi shumë për të realizuar ëndrrat e mia. Të kisha atë sot këtu ishte shumë emocionuese për mua sot, sepse ai është pjesë e gjithë suksesit tim”, tha braziliani.
“Pasi dëgjova himnin e Ligës së Kampionëve fillova të buzëqesh. Ishte ëndrra ime që kur isha fëmijë. Duke qenë atje, duke dëgjuar himnin, duke luajtur ndeshjen, u emocionova shumë dhe u shpërbleva me shënimin e këtyre dy golave”, shtoi Richarlison.
I’m falling in love with this man #9 #Richarlison #THFC #coys pic.twitter.com/w0739wtOWT
— THFC Mike (@mike1974bell) September 8, 2022
25-vjeçari iu bashkua skuadrës londineze gjatë kësaj vere nga Everton-i për shumën e 58 milionë eurove.
Kjo ishte vetëm ndeshja e dytë e brazilianit në formacionin startues për skuadrën e Antonio Conte-s, pasi që katër takimet e para e nisi nga stoli.
Në Premier Leauge, ish-sulmuesi i Everton-it ka arritur t’i dhurojë dy asistime me fanellën e klubit të tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com