Në vitin 2012, kur Richard Olson raportoi në Islamabad për të filluar mandatin si ambasador i SHBA-ve në Pakistan, diplomati veteran u përball me një pritje të akullt nga vendi i tij pritës, i zemëruar nga sulmi ushtarak i Shteteve të Bashkuara një vit më parë, i cili vrau Osama Bin Laden.
Në pamje të parë, ambasadori Olson e trajtoi detyrën me mjeshtëri – produktin e fituar me vështirësi të karrierës së tij 30-vjeçare në shërbimin e jashtëm.
Kur doli në pension katër vjet më vonë, në vitin 2016, sekretari i atëhershëm i shtetit John Kerry tha se Olson, “thjesht një nga diplomatët tanë më të shquar”, kishte lënë një “ndikim të qëndrueshëm” në diplomacinë amerikane.
Por në prapaskenë, mbërritja e Olson-it në Islamabad shënoi fillimin e disa viteve të mbushura me skandale, kanë treguar dokumentet e gjykatës amerikane – lidhje jashtëmartesore, dhurata të paraportuara të bizhuterive me diamante dhe akuza për gënjeshtra dhe lobim të paligjshëm.
Kështu shkruan multimediali britanik “BBC”.
Vitin e kaluar, Olson pranoi se kishte gënjyer në dokumentet e etikës dhe kishte shkelur të ashtuquajturat ligjet e “derës rrotulluese”.
Kjo, duke lobuar për Qatar-in brenda një viti nga pensionimi nga shërbimi federal.
Të premten, ai u dënua me tre vjet burgim me kusht dhe u urdhërua të paguante 93 mijë e 400 dollarë.
Rënia dramatike e Olson-it nga shkëlqimi i tij ishte një fund tronditës i një karriere të lavdëruar 34-vjeçare dhe, sipas ekspertëve, një lajthitje e theksuar në botën tipike të diplomacisë amerikane.
Në të vërtetë, në të njëjtën kohë Olson po punonte për të nxitur një marrëdhënie me Pakistan-in – një detyrë komplekse që përfshinte takime të fshehta me zyrtarë talebanë.
Dokumentet e gjykatës tregojnë se jeta romantike e Olson-it po e bënte të cenueshëm edhe ndaj shantazheve.
Ardhja e diplomatit në Islamabad në vitin 2012 shënoi fillimin e marrëdhënies së tij me një gazetar britanik që punonte në Pakistan.
Olson dhe gazetarja Muna Habib ishin në një lidhje deri në vitin 2014, kur gruaja e tij në atë kohë shërbente si ambasadore në Libi.
“Zonja Habib besonte se ata po takoheshin ekskluzivisht, ndërsa Ambasadori Olson nuk kishte të njëjtën përshtypje”, shkruan avokatët e tij në dokumentet e gjykatës, të raportuara fillimisht nga Washington Post.
Olson u tha autoriteteve se ia kishte zbuluar marrëdhënien e tij me Habib – shefit të stacionit të CIA-s në Islamabad – por të dhënat e gjykatës sugjerojnë se ai nuk ua raportoi atë informacion zyrtarëve diplomatikë të sigurisë amerikane, gjë që ai duhet ta kishte bërë për të qenë në përputhje me rregullat e kundërzbulimit të DASH-it.
Të dy rifilluan kontaktin në fillim të vitit 2015.
Habib ishte pranuar në programin e gazetarisë në Universitetin e Columbia-s, por nuk mund të përballonte shkollimin prej afro 100 mijë dollarë.
Olson ofroi ta prezantonte Habib-in me biznesmenin pakistanezo-amerikan Imaad Zuberi, një lobist i lartë me lidhje me zyrtarë amerikanë, thanë dosjet gjyqësore.
Zuberi, i cili u deklarua fajtor në vitin 2019 për falsifikimin e të dhënave dhe evazion fiskal në lidhje me mbledhjen e fondeve të tij për politikanët amerikanë, ra dakord t’i paguante Habib-it 25 mijë dollarë për të ndihmuar në financimin e shkollimit të saj në Columbia.
Në dokumentet e gjykatës, avokatët e Olson – të cilët nuk kthyen një kërkesë për koment – këmbëngulën se ish-ambasadori kishte “thjesht bërë një prezantim” dhe nuk kishte kryer asnjë keqbërje duke qenë se ai nuk ishte i lidhur në mënyrë romantike me Habib në atë kohë.
Megjithatë, ekspertët thonë se afera e Olson ishte, në vetvete, arsye për shqetësim, veçanërisht duke pasur parasysh marrëdhëniet e dobësuara midis Pakistan-it dhe SHBA-ve gjatë asaj periudhe.
“Mundësitë për shantazh atje ishin të pafundme duke pasur parasysh situatën me Shtetet e Bashkuara dhe Pakistanin”, tha profesor Schwartz. “Unë mund të imagjinoj pasoja shumë të rënda”.
Olson dhe Habib – e cila nuk pranoi të komentonte për BBC – më vonë rindezën marrëdhënien e tyre. Në vitin 2019, ata u martuan.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
