Kryesuar nga reklamat, të ardhurat e tremujorit të parë në grupin e mediave sociale të Mark Zuckerberg-ut pësuan një rritje me 48 për qind në 26.1 miliardë dollarë.
Agjencia e lajmeve, Financial Times, tregon se zyrtari kryesor financiar i Facebook-ut, Davis Wehner, është shprehur se rritja e të ardhurave në tremujorin e parë të vitit është nxitur nga një rritje prej 30 për qind nga viti në vit i çmimit mesatar të reklamës.
Kjo ka pasqyruar një shenjë të kërkesës së lartë me një rritje prej 12 për qind të numrit të reklamave të dorëzuara.
“Presim që rritja e të ardhurave nga reklamat të vazhdojë të drejtohet kryesisht nga çmimi gjatë pjesës tjetër të vitit 2021”, ka shtuar Wehner.
Lidhur me të ardhurat neto të kompanisë, ato u rritën me 94 për qind në 9.5 miliardë dollarë ose ndryshe, 3.30 dollarë për një aksion. Dhe pas lajmit, aksionet e Facebook-ut pësuan një rritje me 6.4 për qind duke arritur një rekord prej më shumë se 326 dollarë.
Edhe pse fokusi i Facebook-ut janë reklamat në median sociale, nuk janë lënë pas investimet për mjetet e reja të bisedave me video dhe blerjet në internet, të cilat janë shkaktuar nga qëndrimi i përdoruesve në shtëpi gjatë pandemisë.
Jo më larg se javën e kaluar, kompania e mediave sociale prezantoi planet për karakteristikat audio dhe podcasting. Por, edhe mënyra se si ndikuesit e Instagram-it të marrin më lehtë të ardhura nga promovimi i markave apo shitjes së produkteve të tyre.
Nga viti në vit, përdoruesit aktivë mujorë të Facebook-ut janë rritur me 10 për qind në 2.85 miliardë në fund të tremujorit të parë.
Ndërkohë, përdoruesit mujorë të grupit të saj të aplikacioneve që përfshin Whatsapp-in dhe instagram-in, janë rritur me 15 për qind në 3.45 miliardë.
Kompania ka deklaruar se pret që rritja e të ardhurave të mbetet e qëndrueshme edhe në tremujorin e dytë të vitit. Gjithashtu pret që të përshpejtohet në mënyrë modeste me fitimet e saj të fundit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë