
Dokumentari “Waltz with Bashir” që mori çmimin “Golden Globe” për filmin më të mirë të huaj në vitin 2008, është shfaqur edhe në Durrës.
Filmi u shfaq nën kujdesin e drejtoreshës së Festivalit Ndërkombëtar të Filmit në Durrës, regjisores Anila Varfi.
“Ndihem si në shtëpi. Në fillim isha pak skeptik kur Anila më tha se donte të sillte regjisorin Ari Folman në Shqipëri, por ja ku jemi sot. Bashkëpunimi ynë do të vazhdojë”, ka thënë Noah Gal Gendler, ambasador i Izraelit në Tiranë.
Pas mbërritjes, Folman firmosi pllakën që do të vendoset në pllakën “Rruga e Artit” përballë teatrit “Aleksandër Moisiu” krahas emrave të tjerë të njohur të kinemasë botërore.
Mes tyre është Francis Ford Coppola, Claudia Cardinale, Marco Bellocchio, Paolo Sorrentino dhe të tjerë që kanë marrë pjesë në edicionet e mëparshme të festivalit në Durrës.
Më pas, në ekranin e madh, u shfaq filmi dokumentar, i cili ndërthur muzikën klasike, muzikën e viteve 1980, grafikë realistë dhe skena surrealiste së bashku me ilustrim të stilit komik.
Galit Peleg, ambasadori i ri i Izraelit në Shqipëri, ka treguar se përmes këtyre po ndërtohen ura mes njerëzve.
“Tre vjet më parë dërguam inxhinierë në Durrës për të ndihmuar në rindërtimin e këtij qyteti që ishte viktima kryesore e tërmetit të vitit 2019. Sot dërgojmë filma”, ka thënë ai.
Marrë nga “The Independent”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rikthimi i Amber Heard-it në aktrim, shfaqet në promon e filmit të ardhshëm “In the Fire”
-
Filmi kosovar “Prishtinë 2002”, pjesë e festivalit islandez “Reykjavik International Film Festival”
-
Victoria Beckham kujton se ishte takuar me David-in në parkingje për ta mbajtur marrëdhënien “private”
-
“Barbie” ia kalon “The Avengers”, bëhet publikimi i 11-të amerikan me fitimin më të madh në histori
Lajmet kryesore
-
Planet e zgjerimit të BE-së mund të testojnë nëse Unioni ende funksionon
-
Begaj garanton Lajçakun se Shqipëria do të luajë rolin e saj për uljen e palëve në dialogun Kosovë-Serbi
-
Britania ka 18 muaj që zhvillon bisedime sekrete me Rusinë
-
Osmani shpreson që shtetet e Organizatës së Bashkëpunimit Islamik ta njohin Kosovën