Futbollisti i Milan-it, Ante Rebic, mungon që një kohë të gjatë shkaku i dëmtimit, por siç duket ai më në fund do të rikthehet.
Sipas asaj që shkruajnë mediat italiane, sulmuesi kroat pritet që të jetë i gatshëm në ndeshjen e fundjavës që Milan-i do ta zhvillojë ndaj Empoli-t.
28-vjeçari e filloi në mënyrën me të mirë sezonin duke shënuar dy gola në ndeshjen e parë ndaj Udinese-s, por pas ndeshjes pasuese ndaj Atalanta-s, ai u detyrua të qëndrojë larg fushave shkaku i një lëndimi në shpinë.
#Pioli riabbraccia #Rebic contro l’Empoli: al #Milan non serve più un attaccante part-time https://t.co/s3f1X3xfr1
— calciomercato.com (@cmdotcom) September 26, 2022
Ai ka qenë duke u stërvitur veçmas nga skuadra gjatë ditëve të fundit, por pritet t’i bashkohet pjesës tjetër të grupit të mërkurën, kur kuqezinjtë të rifillojnë stërvitjen për t’u përgatitur për ndeshjen e tyre ndaj Empoli-t.
Sipas “Calciomercato”, Stefano Pioli pret që Rebic të jetë i disponueshëm në këtë ndeshje, duke ofruar më shumë zgjedhje në fazën ofensive.
Kujtojmë që deri më tani Milan-i nuk kishte shumë zgjedhje në fazën e sulmit, pasi përveç Rebic-it ishin të lënduar edhe Zlatan Ibrahimovic dhe Divock Origi.
Ndërsa, sa i përket Origi-t, ai mund të rikthehet në ndeshjen e Ligës së Kampionëve kundër Chelsea-t në fundjavë, ose në ndeshjen ndaj Juventus-it më 8 tetor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin