Futbollisti brazilian, Marcelo, do të largohet nga Real Madrid-i pas 16 sezoneve të kaluara aty.
Lajmin e ka konfirmuar vetë klubi nga kryeqyteti spanjoll, të cilët njoftuan që të hënën Marcelo do të përshëndetet me kampionët në fuqi të Evropës.
“Real Madrid CF njofton se të hënën e 13 qershorit, në orën 13:00, në Real Madrid do të zhvillohet një akt institucional nderimi dhe lamtumire për kapitenin tonë Marcelo, me praninë e presidentit tonë Florentino Perez”, thuhet ndër tjerash në postimin e klubit.
Comunicado Oficial: Marcelo.#RealMadrid
— Real Madrid C.F. (@realmadrid) June 12, 2022
Pra, 34 vjeçari do të largohet nga Real-i pas 546 ndeshjeve të luajtura në të gjitha garat, prej të cilave ka shënuar 38 gola dhe ka dhuruar 103 asistime.
Ai me fanellën e Real-it arriti ta fitojë gjashtë herë titullin kampion në La Liga, pesë herë Ligën e Kampionëve, katër herë Kupën e Botës për Klube, tre Superkupa të Evropës, pesë Superkupa të Spanjës dhe dy Kupa të Mbretit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Asambleja Parlamentare e KiE-së voton pro anëtarësimit të Kosovës
-
Votimi pro Kosovës në Asamblenë Parlamentare në KiE, Kurti: Fiton demokracia dhe të drejtat e njeriut
-
Pas përgjigjes iraniane, Hezbollahu po përgatitet për të gjithë skenarët
-
Miratohet nga Komisioni i Senatit kandidatura e David Kostelancik për ambasador të SHBA-ve në Tiranë
