
Presidenti i Real Madrid-it, Florentino Perez-i ka arritur marrëveshje për shfrytezimin komercial të stadiumt të ri “Santiago Bernabeu”, me kompaninë amerikane “Legends”.
Kompania është e specializuar në marketingun e objekteve sportive, për më shumë se 20 vite. Kjo është ajo që raportohet nga “Vezpopuli”, e cila ka paraqitur edhe detajet e marrëveshjes.
Marrëveshja do të ketë kohëzgjatje 25 vjet. “Legends” do të ketë të drejtën për të marrë 20% të fitimeve që rrjedhin nga shfrytëzimi tregtar i objektit të ri. Këto të ardhura mund të jenë më shumë se kufiri i vendosur me Real Madrid-in.
Kompania amerikane është në pronësi të fondit të kapitalit sipërmarrës “Sixth Street”, i cili gjithashtu zotëron 20% të San Antonio Spurs (NBA).
“Legends” do të duhet t’i pagojë menjëherë Real Madrid-it rreth 150 milionë euro. Më pas ato do të zgjaten deri në 400-440 milionë euro. Kusht për këtë zgjatje janë objektivat që lidhen me ndërtimin dhe punimet për zonën rreth stadiumit.
Shtesa më e fundit në projektin e stadiumit përfshine dy parkingje nëntokësore, me nga 1 mijë e 667 vende. Në pritje të miratimit nga Këshilli i Bashkisë së Madridit, parkingjet pritet t’i sjellin klubit për 30 vitet e ardhshme pas ndërtimit, rreth 270 milionë euro të ardhura.
Për të financuar gjithë punimet e projektit gjigandët spanjollë kanë marrë hua rreth 1 miliard euro. Para të cilat duhet të shlyhen brenda 25-30 viteve të ardhshme.
Ideja e Perez-it është që t’u bëjë ballë “kërcënimeve” të rivalëve si Manchester City, apo PSG-ja në të ardhura. Gjithashtu ai pretendon një rritje të vlerës së Real Madrid-it në 6-8 miliardë euro, deri në 2025, kohë kur ai përfundon mandatin si president.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Shefi i KFOR kritikon Kurtin: Prej dy vitesh vetëm hapa pas, boll më me veprime të njëanshme
-
Pas sekretares së MSH-së, arrestohen edhe inxhinieri dhe administratori i firmës që fituan tenderin ilegalisht
-
Hakan Fidan – Top diplomati i ri turk i lidhur me Shqipërinë dhe ish-shef i spiunazhit, që rregulloi raportet me Izraelit
-
Kurti me përkrahje të përzemërt për kryetarin e Leposaviqit: E falënderoj për qëndresën e tij shembullore