Real Madrid dhe Milan dhurojnë spektakël në miqësoren e zhvilluar në SHBA (VIDEO)

Real Madrid dhe Milan dhuruan spektakël në ndeshjen miqësore të zhvilluar në në stadiumin “Rose Boël”, Pasadena të Shteteve të Bashkuara të Amerikës.

Spanjollët fituan me rezultat 3:2 në përmbysje.

Pjesa e parë ishte më e mirë për kuqezinjtë nga Milano, të cilët shënuan të parët me anë të qendërmbrojtësit, Fikayo Tomori, i cili u asistua nga blerja e kësaj vere, Christian Pulisic.

Në minutën e 32-të u inkuadrua në lojë Luka Romero, që para pak ditësh është transferuar nga Lazio.

10 minuta më vonë ai e shënoi një super-gol nga distanca, derisa pjesa e parë u mbyll me epërsi të dyfishtë të kuqezinjve.

Më pas në pjesën e dytë, erdhi radha për Federico Valverde “shoë”. Uruguaiani shkurtoi diferencën falë ndihmës së portierit Sportiello, teksa dy minuta më vonë barazoi rezultatin me një goditje të saktë.

Golin e fitores për “Los Blancos” e realizoi Vinicius Junior gjashtë minuta përpara fundit të takimit.

Braziliani mori një top nga Luka Modric dhe e dërgoi atë në rrjetë, për t’i dhuruar Realit suksesin në këtë sfidë.

Për skuadrën italiane debutuan Loftus-Cheek, Pulisic, Romero dhe Reijnders, teksa në krahun tjetër erdhi debutimi i anglezit Bellingham, që është goditja e madhe e Realit në merkato.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.