Futbollisti i Kosovës, Milot Rashica, tashmë gjendet në Stamboll për t’i kryer testet mjekësore me skuadrën e Galatasaray-t.
Sulmuesi nga Kosova është larguar nga skuadra angleze Norwich City pas vetëm një viti qëndrim në Angli.
Ishte gjiganti turk Galatasaray që mbrëmë doli me një njoftim ku tregoi se është në bisedime me Norwich-in dhe Milot Rashicën për huazimin e vushtrriasit.
E në orët e para të mëngjesit të ditë së sotme, Rashica ka arritur në Stamboll për të finalizuar transferimin te Galatasaray.
Milot Rashica ist in Istanbul angekommen 🔥🔥 pic.twitter.com/zcTaWpacXo
— GALAchannel 🇩🇪🇹🇷 (@galachannel) September 8, 2022
Ai është pritur në aeroportin e Stambollit nga tifozët verdhekuq, derisa ka dhënë edhe një prononcim të shkurtër për televizionin e klubit.
Gjatë ditës së sotme Galatasaray pritet të dalë me njoftim zyrtar për huazimin e Rashicës për një vit, derisa dy klubet do të zbulojnë edhe detajet e marrëveshjes.
Kujtojmë që Norwich-i shpenzoi 11 milionë euro për transferimin e Rashicës në verën e vitit të kaluar nga skuadra e Werder Bremen.
Ai në total zhvilloi 40 ndeshje me fanellën e Norwich-it në të gjitha garat, prej të cilave ka shënuar dy gola dhe ka dhuruar tre asisitme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”