Partia Socialdemokrate, të mërkurën, ka dorëzuar kallëzim penal në Prokurorinë Speciale ndaj ministrit të Infrastrukturës, Liburn Aliu dhe Naser Hafizit zëvendësdrejtorit të Autoritetit Rajonal të Pellgjeve Lumore, nën dyshimet se i kanë shkaktuar Kosovës dhjetëra miliona euro dëme duke ua shlyer borxhin në forma të kundërligjshme kompanive që merren me ambalazhimin e ujit në Kosovë.
“Një javë ditë raportohet që ka shkelje ligjore dhe falje të miliona eurove dhe Liburn Aliu nuk e thotë asnjë fjalë. Del the thotë që janë shpifje për vendime që janë marrë nga ministria e vetë dhe të cilat i janë dorëzuar kabinetit të ministrit”, tha anëtari i PSD-së, Frashër Krasniqi.
Krasniqi i ka bërë thirrje Prokurorisë Speciale që të veprojë sa më shpejt dhe që ta ndalojë këtë krim që është duke ndodhur në Ministrinë e Infrastrukturës.
“Nuk mund të ndodhë një krim i përmasave të tilla pa dijeninë e Liburn Aliut dhe të kryeministrit Albin Kurti”.
Albanian Post javë më parë raportoi për një hajni multi-milionëshe ku të përfshirë ishin, Liburn Aliu, Ministër i Mjedisit, Planifikimit Hapësinor dhe Infrastrukturës, bashkë me Naser Hafizin zëvendësues i Drejtorit të Autoritetit Rajonal të Pellgjeve Lumore.
Përmes një procedure të sofistikuar mashtrimi, Albanian Post, raportoi se Aliu e Hafizi, i kanë shkaktuar Kosovës dhjetëra miliona euro dëme duke ua shlyer borxhin në forma të kundërligjshme kompanive që merren me ambalazhimin e ujit në Kosovë.
Vetëm në pjesën e dosjes që e ka zbërthyer Albanian Post, në rastin e vetëm 5 kompanive të ambalazhuesve të ujit (nga 27 sa janë në total) bëhet fjalë për zhvatjen dhe keqpërdorimin e 11 milionë e 152 mijë e 144 eurove të shtetit të Kosovës.
Gjithë këtë borxh, Aliu, përmes vartësit të tij Hafizit, të cilin po sa ishte bërë ministër e kishte kaluar kundërligjshëm nga pozita e Zyrtarit për Financa në atë të Zëvendësuesit të Udhëheqësit të Divizionit për Pagesa dhe Projekte e përfundimisht si Ushtrues Detyre i Drejtorit të Autoritetit Rajonal i Pellgjeve Lumore, ua ka shlyer këtyre kompanive me vetëm disa mijëra euro pagesa.
Ekskluzive: Hajnia multi-milionëshe e Liburn Aliut dhe Naser Hafizit
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lavrov: Kosova do të anëtarësohet në Këshillin e Evropës – Perëndimi e sheh si fener të demokracisë
-
Xi në Evropë, sfidë për Amerikën: “Së bashku do të zgjidhim krizën në Ukrainë”
-
Sulmi ajror izraelit që vrau 7 punonjës shëndetësorë në Liban përdori municione amerikane
-
Vazhdon gjyqi ndaj ish-krerëve të UÇK-së
