Kanë kaluar 10 ditë që kur Argjentina mposhti Francën me penallti në finalen e Kupës së Botës 2022, por sherri mes Adil Rami-t dhe disa lojtarëve të Albiceleste nuk ka marrë fund.
Ish-reprezentuesi francez kritikoi qëndrimin e Emiliano Martinez-it gjatë dhe pas ndeshjes, duke e quajtur atë “idiotin më të madh në futboll”. Megjithatë, shoku i skuadrës së Martinez, Angel Di Maria doli në mbrojtje të portierit të Aston Villa.
“Dibu është portieri më i mirë në botë, shko të qash diku tjetër”, vuri në dukje Di Maria.
Rami nuk ishte aspak i kënaqur me komentet e Di Maria-s dhe iu kundërpërgjigj anësorit të Juventus-it pasi citoi një postim në Twitter me frazën e lartpërmendur dhe fotografitë e argjentinasit duke qarë në raste të ndryshme.
“A do të më mësosh [si të qaj], Angel?” ka shkruar Rami.
Tani mbetet për t’u parë nëse ish-ylli i Real Madridit është i gatshëm të komentojë rreth postimit të Rami-s në Instagram.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
