Kryeministri i Shqipërisë, Edi Rama, “14 orë nga përvjetori i dytë i tragjedisë” së tërmetit, ka njoftuar se banorët e Thumanës do të hyjnë në apartamentet e reja, këtë javë.
Këtë lajm e ka bërë të ditur, pasditen e 25 nëntorit, pasi ka inspektuar nga afër punimet përfundimtare të apartamenteve dhe shtëpive individuale.
“Janë 433 familje që rikthehen në kushte fantastike”, është shprehur Rama, duke theksuar se “këto pallate i takojnë standardit të lartë”.
Ai tha se po bashkëpunojnë dhe me Drejtorinë Arsimore, për të krijuar hapësira pas-shkollore, për artet, zejet, teknologjinë.
Duke hapur kështu kurse, që fëmijët e Thumanës “të kenë mundësi të zhvillojnë talentet e tyre” dhe “një pjesë prej tyre të futen në tregun global të teknologjisë”.
I shoqëruar me ministrin e Shtetit për Rindërtimin dhe Programin e Reformave, Arben Ahmetaj, dhe me sipërmarrësin Behgjet Pacollin, Rama ka parë nga afër zonën e rindërtuar të Thumanës.
Ahmetaj tha se janë 178 apartamente të përfunduara në këtë zonë dhe 158 njësi individuale, të ndërtuara si kombinim i solidaritetit të investimeve të buxhetit.
Nga Fondacioni i Behgjet Pacollit janë ndërtuar deri më tani 18 apartamente, ndërsa nga Fondacioni Firdeus janë përfunduar 158 apartamente individuale.
Lideri i Aleancës “Kosova e Re”, Pacolli tha se “nuk kam mbështetur asnjë parti politike, por kam mbështetur idetë e mira”.
Duke falënderuar të gjithë kontribuuesit, sipërmarrësi Pacolli u shpreh se, idenë e kryeministrit, e ka përkrahur vetëm dy ditë pas tërmetit, për t’u siguruar qytetarëve “kolona mbi kokë”.
Ndërsa shprehu krenari që “ ka përkrahur qytetarët e Thumanës” dhe jo vetëm, Pacolli tha se do t’i vizitojë sërish qytetarët e Thumanës.
Thumana ka qenë një nga zonat e dëmtuara nga tërmeti tragjik i 26 nëntorit të 2019-s, ku humbën jetën 50 gra, fëmijë e burra të vendit tonë.
Ai shtoi se Thumana do të ketë infrastrukturë moderne, shëtitore, terrene sportive, hapësira të gjelbërta, si dhe shkollën e kopshtin “Ramazan Jangozi”, por edhe qendër komunitare në shërbim të banorëve.
“Punimet kanë ecur me ritme rekord e në tetor do të fillojë akomodimi i familjeve në banesat e reja, ndërsa në fund të vitit përfundon i gjithë siti, përfshirë objektet publike për të cilat po punohet paralelisht nga Bashkia, e ku do të përqendrohen Njësia Administrative, Qendra Shëndetësore e një pjesë e mirë e shërbimeve publike për qytetarët”, deklaroi Rama.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ra në kontakt me energjinë elektrike, humb jetën 45-vjeçari në Ishull-Lezhë
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë
-
Qëndrimi i Ramës ndaj emisionit italian ‘Report’, Bardhi: Sjellje tipike e njeriut që ka humbur qetësinë
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë