Rama mbledh grupin e vjetër dhe të ri parlamentar

E premtja e 27 gushtit do të mirëpresë mbledhjen e fundit të grupit parlamentar të qeverisë “Rama 2” dhe të parin për grupin e ri “Rama 3”.

Nga burime për Albanian Post mësohet se mbledhja do të mbahet në orën 19:00.

Mendohet se në fokus të takimit do të jetë bilanci i qeverisë së shkuar dhe objektivat e reja për mandatin e tretë qeverisës.

Më 25 gusht, Rama mblodhi dhe kabinetin qeverisë, ku bëri një bilanc mbi punën e Qeverisë në katër vjet. Këtë të fundit e cilësoi si një mandat pozitiv, pavarësisht se u diktua nga dy fatkeqësi të mëdha: tërmeti i 26 nëntorit 2019 dhe pandemia botërore e shkaktuar nga COVID-19.

Por, jo e gjithë puna u lëvdua nga kryeministri. Mbi të gjitha, puna në turizëm, përkatësisht në administrimin e plazheve, të cilën ai e përshkroi si “të dështuar”. Infrastruktura dhe bujqësia kanë qenë suksese, sipas Ramës.

Ai njoftoi dhe faktin se Najada Çomo, kryesuesja e listës së Tiranës, nuk do të jetë pjesë e Parlamentit.

Ndërkohë që dyshimet mbi kabinetin e ri mbeten të mëdha, ndryshimet, priten nga Rama.

Javën e ardhshme, ai prezanton – për herë të parë në historinë moderne të Shqipërisë – “Rama 3”, kabinetin e mandatit të tretë qeverisës radhazi.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.