![](https://albanianpost.com/wp-content/uploads/2021/03/c0a3d9c4-9da9-4b43-9782-9c69d42870a7.jpg)
Kryeministri i Shqipërisë, Edi Rama, inspektoi në Bathore zonën ku po punohet me ritme të larta për rindërtimin e shtëpive të prekura nga tërmeti.
Banorët u shprehën të kënaqur nga përkrahja e qeverisë me procesin e rindërtimit.
Ministri i Rindërtimit, Arben Ahmetaj, pohoi se 130 njësi individuale janë në proces rindërtimi.
Kryeministri zhvilloi biseda dhe shkëmbeu batuta me banorët, të cilëve po u rindërtohen shtëpitë duke cituar shprehjen e Andon Zako Çajupit.
“Për punë janë vetëm gratë se burrat janë për llafe”, tha Rama ndër të tjera.
“Deri në pranverën e ardhshme, s’do të ketë më gjurmë tërmeti”, deklaroi kreu i qeverisë.
Ministrja e Shtetit për Marrëdhëniet me Parlamentin, Elisa Spiropali, deklaroi se në fazën e parë po ndërtohen 35 shtëpi. Në total po ndërtohen 75 shtëpi.
Kreu i qeverisë tha se po bëhet maksimumi dhe se, në këtë zonë, po bëhet një investim maksimal. Vetëm në zonën e Kamzës janë rindërtuar 20 shkolla.
“Kamza po bëhet vend i jetueshëm, fillimisht për fëmijët. S’kishin ku përplaseshin me muret e hapësirave të zëna, rrugë pa trotuar, pa kopshte, pa çerdhe, me ato shkolla me stërturne”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com