Kryeministri i Shqipërisë, Edi Rama, dhe Ministrja e Financave dhe Ekonomisë, Anila Denaj, zhvilluan një konferencë për mediat, ku në fokus ishte ekonomia.
Të pyetur nga Albanian Post për trajektoren e rënies së borxhit publik, Ministrja e Financave dhe Ekonomisë, “rikujtoi që kemi bërë një ndryshim organik në ligjin e buxhetit. Konsolidim fiskal dhe ulje e borxhit. Në vitin 2019 në raport me borxhin 66.3%. Një konsolidim i dukshëm nga 70.4%”.
“E kemi bërë dhe do ta bëjmë konsolidimin”, tha Denaj.
Të pyetur nga Albanian Post për Planin e Ekonomisë dhe Investimeve në Ballkanin Perëndimor të Komisionit Evropian (KE), kryeministri Rama, deklaroi se ka tre shtylla infrastrukturën në funksion të ndërlidhjes.
“Njëra shtyllë lidhet me infrastrukturën dhe transportin. Shtylla tjetër është energjia, dhe digjitalizimi. Ky plan është një nga instrumentet e Shqipërisë në vitet 2030. Në Bruksel do të diskutoj për planin e investimeve. Ky është një plan sfidues, kërkon kapacitete të mëdha, synon forcimin e ndërlidhjes dhe digjitalizimin në rajon. Do të shkoj në Bruksel më 1 mars dhe do të diskutoj me Komisionerin e Zgjerimit, Oliver Varhely”. Rama u shpreh optimist për takimin.
Kryeministri bëri një pasqyrim të situatës dhe sfidave me të cilat është përballur vendi.
“Për ne shqiptarët ka nisur përpara se të niste në gjithë botën. Na u desh të përballemi me një tërmet katastrofik që jo vetëm privoi nga streha mijëra familje, shkatërroi dhjetëra shkolla, imponoi një rishikim të prioriteteve si dhe një financim masiv të papritur, rindërtiminin”.
“Më pas erdhi armiku i padukshëm që goditi ekonominë e të gjitha vendeve. Po ashtu ka goditur zinxhirët e prodhimit dhe kufizime në flukset e parasë. Jemi përballur me forcë, kurajo, zhvillim dhe angazhim. Jam krenar se për asnjë moment nuk i kemi lënë vetëm më të ekspozuarit e këtyre dy fatkeqësive”.
Rama tha se kjo do të vendoset kur të shpaloset planin i veprimit dhe vizioni.
“Deri në 114 mijë euro është një subjekt pa taksa. E dyta por jo për nga rëndësia, është paga minimale, të cilën e kemi vendosur në 30 mijë lekë dhe kemi ambicien ta rrisim vit pas viti.Familjet që po kthehen në shtëpi dhe ata që po presin të kthehen në apartamente të reja, vazhdojnë të presin të futën në apartamente”.
Zgjerimi i taksës për biznesin e vogël është një gur i rëndësishëm kilometrik. Rama tha se kjo përbën “një nga pikat më domethënëse të ndryshimit të madh me palën tjetër që ripredikon taksën e sheshtë. Në kohën kur 100% e bizneseve paguanin tatim fitimi dhe TVSH. Sot 99% e bizneseve paguajnë 0% tatim fitimi dhe o% TVSH”.
Janë 111 mijë biznese me 300 mijë të punësuar që janë çliruar nga tatim fitimi. Paga minimale është vendosur në 30 mijë lekë. Rama shprehu ambicien për ta rritur vit pas viti.
“Në vitin 2013, ishte vetëm 22 mijë lekë pagë minimale. Sot jemi në 30 mijë lekë. Dua t`i them përfituesve që duhet ta shohin këtë si një proces dhe jo si një pikë mbërritje. Falë gjithë përpjekjeve të bëra kemi arritur të zgjerojmë taksën duke shkuar përtej premtimit të dhënë. Rama shprehu ambicien për të arritur në një pozicion të posaçëm në vitet në vijim”, shtoi kreu i qeverisë.
Rama tha se qeveria ka dyfishuar ndihmën ekonomike.
“Do ta mbajmë dyfish deri në fund të luftës me armikun e padukshëm. Do të përpiqemi ta mbajmë dyfish edhe pas kësaj lufte”, shtoi Rama.
Kryeministri saktësoi se taksa e sheshtë, e cila është pjesë e programit të opozitës për zgjedhjet e 25 prillit, godet 97% të popullsisë që fiton më pak.
Rama tha se buxheti i shtetit ka marrë 142% më shumë nga kontributi i të pasurve.
Rama shtoi se është ulur tatimi dhe se janë rritur të ardhurat nga paga e tatim-fitimit mbi të ardhurat e individëve edhe pse ka pasur një rënie në momentin e parë.
“Meqë predikohet se me taksën e sheshtë mblidhen më shumë lekë. Me taksën e sheshtë goditen ata që fitojnë më pak. Mbështet pronarët tuaj individualisht dhe ju që jeni këtu në ekran, do paguani më shumë nga rroga juaj. Taksa e sheshtë është për të pasurit, taksimi i ndershëm është për shumicën dërrmuese. Taksa e sheshtë është për ata që fitojnë më shumë në mbështetje të tyre dhe goditje për ata që fitojnë më pak. Ata që fitojnë më pak janë 97%.”
Kryeministri shtoi se në vitin 2013 Shqipëria rrezikonte për shkak të të vende të borxheve të fshehura. Ai tha se vendi ynë ka kapacitet e duhura për të financuar borxhin.
“Akoma nuk kemi hedhur asnjë qindarkë nga kreditë për rindërtimin. Të gjithë janë financuar nga qeveria shqiptare.”
Duke iu referuar rritjes së pragut të TVSH-së, Denaj, tha se kjo është një masë fiskale që u ndërmor në të njejtën kohë, në korrik të vitit të kaluar, menjëherë sapo dolëm nga mbyllja ekonomike dhe përfituan 48 mijë e 372 biznese. Të gjithë këto subjekte të klasifikuara si biznes i vogël pa TVSH janë dukshëm të rritur me 21 % krahasuar me numrin që ishte më parë. Në vlerë absolute janë 3 miliardë lekë, që nuk do të jenë në buxhet të shtetit, por do të jenë përsëri një buxhet i konsiderueshëm në duart të biznesit të vogël.
Albanianpost.com
