Shqipëria

Rama: 424 aplikantë për Spitalin Rajonal të Fierit


Kryeministri Edi Rama ka bërë me dije se janë 424 aplikantë për Spitalin e ri Rajonal të Fierit, i cili sipas tij, do të hapë dyert në pak ditë.

“Me një super ekip turko-shqiptar, një qendër jo vetëm shërbimesh ekselence shëndetësore, por edhe transferimi teknologjie e dije”, shkruan Rama. “Do të jetë shembulli i parë i autonomisë spitalore që do ta shtrijmë në krejt vendin gjatë mandatit të tretë”.

Sipas fotografisë së publikuar nga kryeministri, numrin më të lartë të aplikimeve, e kanë infermierët. Janë plot 164 të tillë, të cilët duan të jenë pjesë e strukturës.

Aplikantët mjekë janë vetëm 24. 27 janë fizioterapistë, 10 teknikë imazherie, dy imazheristë dhe gjashtë teknikë laboratori.

Një numër i lartë aplikimesh ka ardhur edhe për administratën spitalore, me 96 të tilla. Për psikologë kanë shkuar 12 aplikime dhe po aq për inxhinieri elektrike. Biomjekësore/IT ndërkohë, janë 29 aplikime.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore