Adrien Rabiot është në sezonin e tij të tretë në Serie A me Juventus-in. Mesfushori francez asnjëherë nuk ka arritur të bind plotësisht drejtuesit bardhezi.
Ai përfiton 7 milionë euro neto në sezon, por në fushë nuk i justifikon ato para. Këtë sezon, Massimiliano Allegri i ka dhënë hapësirat e nevojshme, por ai ka treguar pak në lojë.
26-vjeçari është aktivizuar në tetë ndeshje në Serie A dhe tre në Champions League. Deri më tani, nuk ka arritur të shënoi ose asistoi asnjë herë.
“Rabiot duhet të bëjë më shumë”, tha Allegri pas ndeshjet me Fiorentina-n, ku Juventus-i fitoi me rezultatin 1-0, falë golit të Juan Cuadrado-s.
Ai është i vetmi mesfushor i majtë në skuadër dhe kjo e ndihmon që të marrë më shumë minuta. Por, Rabiot duket shpeshherë sikur ecën në fushën e lojës. Ai është i ngadaltë dhe nuk vrapon shumë.
Nga Premier League, Newcastle, duket se është i interesuar për të marrë shërbimet e mesfushorit francez. Juventus-i kërkon të arkëtojë të paktën 15 milionë euro nga largimi i Rabiot-it sipas mediave italiane.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
