Sipas kryetarit të Aleancës Kosova e Re, Behgjet Pacolli, Qeverisë aktuale të Kosovës, po i mungojnë idetë zhvillimore kuadrot, eksperienca dhe dituria.
Për ish-ministrin e Punëve të Jashtme, Qeveria e udhëhequr nga kryeministri i Kosovës, Albin Kurti, duhet të jetë më proaktive.
“Unë nuk jam që Qeveria e Kosovës të rrëzohet, dëshira ime është që ta shoh Kosovën me një Qeveri të fortë me njerëz punëtor dhe pragmatik”, ka thënë Pacolli në një intervistë për Ekonomia Online.
“Kjo qeveri do të ishte një qeveri e mirë për Kosovën nëse do të ishte proaktive, e ka shumicën dhe mund të qoj gjërat përpara në mënyrë fantastike, shoh që Qeverisë i mundojnë kuadrot, eksperienca, dituria dhe kreativiteti”, ka shtuar ai.
Ditë më parë Pacolli, pati kritikuar Qeverinë e Kosovës për mungesë të strategjive konkrete për ta luftuar krizën ekonomike në vend.
Sipas tij kryeministri Kurti duke kursyer po e dëmton Kosovën.
“Paraja duhet shpenzuar”, pati deklaruar ai.
Sa i përket proklamimit të rritjes ekonomike, Pacolli pati vlerësuar që në mënyrë që ajo të jetë reale – duhet të jetë e dëshmueshme në tri shtylla.
“E para janë investimet publike dhe rritja e shportës së konsumatorëve e që një gjë e tillë nuk ka ndodhur. Nuk ka të hyra për kokë banori dhe kursimet të cilat janë nuk mund të konsiderohen rritje ekonomike dhe duke kursyer zotëri Kurti po dëmton shumë Kosovën”, kishte thënë ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Të shtunën u dorëzohen familjarëve trupat e tre terroristëve të vrarë në Banjskë
-
Mark Lambert do të jetë zyrtari më i lartë i politikës amerikane për Kinën
-
Një apo disa struktura qëndrojnë pas sulmit në Veri, thotë Hovenier
-
Dislokimi i ushtrisë serbe pranë kufirit me Kosovën, Roth: Ku dreqin është BE-ja?
