Qeveria e Kosovës, ka mbajtur të hënën në mbledhje elektronike përmes së cilës ka miratuar dy vendime që kanë të bëjnë me marrëveshjet me Shqipërinë.
I pari ka të bëjë me nismën për lidhjen e Marrëveshjes Ndërkombëtare ndërmjet Qeverisë së Kosovës dhe Këshillit të Ministrave të Republikës së Shqipërisë për Bashkëpunimin në lehtësimin e Procedurave në Pikat e Inspektimit Kufitar për produktet me origjinë jo Shtazore.
Lajmi është bërë i ditur përmes një komunikate të lëshuar nga Zyra e Kryeministrit ku edhe është bërë e ditur rëndësia e këtyre marrëveshjeve.
“Marrëveshja synon të promovojë tregtinë, heqjen e barrierave dhe lehtësimin e procedurave të kontrollit duke pasur parasysh marrëdhëniet e zhvilluara deri tash dhe duke synuar forcimin dhe shtrirjen e bashkëpunimit midis dy vendeve në fushën e bujqësisë”.
Ndërsa vendimi i dytë ka të bëjë me Marrëveshjen për Bashkëpunim Arsimor dhe Shkencor me përfitim reciprok.
Gjithashtu, nga komunikate është thënë se nisma për lidhjen e Marrëveshjes ndërmjet Qeverisë së Republikës së Kosovës dhe Këshillit të Ministrave të Republikës së Shqipërisë për Bashkëpunim Arsimor dhe Shkencor do të jetë me përfitim reciprok.
Kryeministri i Kosovës, Albin Kurti gjatë mbledhjes së Qeverisë të mërkurën kishte bërë të ditur se me 14 qershor do të jetë mbledhja e përbashkët mes Republikës së Kosovës dhe Shqipërisë.
Kurti, gjatë fjalimit të tij ka thënë se kjo do të jetë mbledhja e tretë mes dy Qeverive në më pak se dy vjet.
Kuvendi i Kosovës dhe ai i Shqipërise mbledhjen e fundit së bashku e kishin mbajtur në vigjilje të festës së 28 nëntorit, të dielën e 27 nëntorit 2022.
Adresim gjatë mbledhjes kishte mbajtur kryetarja e Kuvendit të Shqipërisë, Lindita Nikolla dhe kryetari i Kuvendit të Kosovës, Glauk Konjufca.
Pastaj mbledhja kishte vijuar me fjalimin e kryeministrit të Shqipërisë, Edi Rama dhe fjalimin e kryeministrit të Kosovës, Albin Kurti.
Ndërsa, nga një fjalë përshëndetëse kishin mbajtur edhe kryetarët e grupeve parlamentare të Shqipërisë dhe të Kosovës.
Një mbledhje e ngjashme që ishte mbajtur për të arritur marrëveshje mes dy qeverive shqiptare ishte mbajtur edhe më 20 qershor.
Kryeministri i Shqipërisë, Edi Rama, dhe delegacioni shqiptar u pritën me nderime të larta nga kryeministri i Kosovës, Albin Kurti, nën përcjelljen e ministrave të Qeverisë së Kosovës.
Pas saj, ishte bërë edhe nënshkrimi i marrëveshjeve të arritura ndërmjet dy qeverive.
Në këtë mbledhje ishin nënshkruar 19 marrëveshje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përfundon aksioni i policisë në restorantin e Radojiçiç-it: Gjithçka ka shkuar në rregull
-
KSHZ: Deri në orën 13:00 votuan mbi 300 mijë qytetarë
-
Osmani kërkon nga guvernatori i Teksasit thellim të bashkëpunimit në fushën e tregtisë
-
“Të mendojnë për sigurinë e tyre, jo për Ukrainën”, bisedat e hakëreve që kryen sulm kibernetik ndaj Kosovës – Maqedonci për AP: Përtej motivit të hakmarrjes pati qëllim destabizlimin
Lajmet kryesore
-
KSHZ: Deri në orën 13:00 votuan mbi 300 mijë qytetarë
-
Emerging Europe: Përpos sfidave, ekonomia e Shqipërisë zë një vend të mirë
-
“Të mendojnë për sigurinë e tyre, jo për Ukrainën”, bisedat e hakëreve që kryen sulm kibernetik ndaj Kosovës – Maqedonci për AP: Përtej motivit të hakmarrjes pati qëllim destabizlimin
-
Kurti thotë se “s’ka faj” nëse dështon Kosova