Qeveria e Kosovës ndryshon sanksionet ndaj Rusisë

Qeveria e Kosovës në mbledhjen e të hënës ka marrë vendim ndryshimin dhe plotësimin e vendimit për zbatimin e sanksioneve ndaj Federatës Ruse dhe Bjellorusisë në raport me situatën në Ukrainë.

Ministrja e Punëve të Jashtme dhe Diasporës, Donika Gërvalla, ka prezantuar sanksionet e reja ndaj Rusisë.

“Me lejoni që të paraqes plotësim-ndryshimin ligjin ndaj sanksioneve të Federatës Ruse dhe Bjellorusisë në raport me situatën në Ukrainën”

“Këto sanksione përfshijnë masa kufizuese tregtare në lidhje me hekurin qelikun si dhe mallrat e luksit, mallra kufizuese të eksportit në lidhje me mallrat dhe teknologjitë në përdorim të dyfishtë si dhe mallrat që mund të kontribuojnë në përmirësimin teknologjik të sektorit të mbrojtjes dhe sigurisë së Rusisë”.

“Masa kufizuese që ndalojnë investimet e reja në sektorin energjetik rus, masa kufizuese që ndalojnë të gjitha transaksionet shtetërore”.

Gjithashtu, ka marrë vendim se do të mbulojë koston e policisë kufitare për bashkatdhetarët.

Tutje është sqaruar se për të evituar pritjet në kufi policia mund të blihet edhe fizikisht por edhe online para se të nisen.

“Para se ta kenë blerë bashkatdhetarët ata mund të aplikojnë online për riimbursim. MPJD është duke punuar në strategji dhe ligjin për diasporë. Po punohet për herë të parë për projektligin për të mësuar gjuhën shqipe në mërgatë dhe certifikimin e gjuhës”.

“Është duke u punuar për ndërlidhjen e politikave për mërgatën në nivelin lokal, për këtë është nënshkruar memorandumi mirëkuptimin me asociacionin e komunave për diasporë”, ka thënë Kurti.

Ndër të tjera është votuar Bordi Drejtues i Fondit për Sigurime Shëndetësore.

Ministri i Shëndetësisë, Rifat Latifi ka prezantoi këtë bord.

Kryesuese e këtij bordi do të jetë Dafina Gexha, zëvendësministre e Shëndetësisë.

Anëtarët e bordit janë: Ahmet Ismajli (përfaqësues i Ministrisë së Financave nga Thesari), anëtar Fahri Shabani (nga Asociacioni i Komunave) e Muhamedali Kodra (nga Shoqata për të Drejtat e Pacientëve), Agreta Gecaj-Gashi (anëtare e bordit të ShSKUK-së), Kastriot Meqa (përfaqësues nga Oda e Mjekëve të Kosovës), Klit Shala (përfaqësues i Ministrisë për Punë dhe Mirëqenie Sociale).

Ndryshe, pothuajse për më shumë se një vit FSSH-s nuk ka pasur bord.

Është miratuar edhe plotësim-ndryshimi i ligjit të noterisë, të përcaktimit të noterëve në komunat që nuk kanë të tillë.

Në mbledhje është bërë e ditur se 9 komuna nuk kanë noter.

Gjithashtu, ekzekutivi miratoi propozimin për Strategjinë e Sigurisë së Kosovës; anëtarësimi në Bashkimin Evropian dhe në NATO, dhe në partneritetin për Paqe të NATO-s, pastaj shkon në Kuvend.

Ministri i drejtësisë ta ketë të drejtën të caktojë noter në komunën përkatëse.

Gjatë mbledhjes është votuar edhe projektligji për edukimin e fëmijërisë së hershme për fëmijët prej 0-6 vjeç.

Qeveria ka në rend të ditës edhe ndryshimin dhe plotësimin e vendimit për zbatimin e sanksioneve ndaj Federatës Ruse dhe Bjellorusisë në raport me situatën në Ukrainë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.