Sport

Qeveria Britanike lejon shitjen e Chelsea-t


Qeveria britanike më në fund ka lejuar shitjen e klubit të Chelsea-t, duke lëshuar një licencë të veçantë për shitjen e bluve dhe kalimin e pronësisë nga Roman Abramovich, te miliarderi amerikan, Todd Behli.

Premier Leauge i dha dritën e gjelbër kalimit të pronësisë mbrëmjen e së martes dhe në mëngjesin e sotëm.

Kurse, Qeveria Britanike ka bërë të njëjtën gjë duke zyrtarizuar kalimin e pronësisë te Behli, i cili është i gatshëm të paguajë 4.25 miliardë funte.

Todd Behli

Pas negociatave që zgjatën thuajse një muaj, Qeveria Britanike u bind se të ardhurat nga shitja nuk do të përfundon në duart e personave të sanksionuar si pasojë e luftës në Ukrainë apo edhe vetë Abramovich.

Ky i fundit ka hequr dorë nga përfitimet e tij nga shitja e klubit dhe ka vendosur të kalojë një pjesë të fitimeve për zhvillimin sportiv të klubit.

“Në natën e kaluar, Qeveria e Mbretërisë së Bashkuar arriti në një pozitë ku mund të lëshonte një licencë që i lejon shitjen e klubit të Chelsea-t”, shkruante njoftimi i Qeverisë Britanike.

Roman Abramovich

Deklarata vazhdoi: “Pas punës së gjerë, tani jemi të kënaqur që nga të ardhurat e plota të shitjes nuk do të përfitojnë Roman Abramovich ose ndonjë individ tjetër të sanksionuar”.

Ndërkohë, “The Times” bën të ditur se Marina Granovskaia do të përfitojë 20 milion funte si negociatore e shitjes, ndërsa Brus Bak, 30 milionë sosh.

Sipas mediave britanike, pronari i mundshëm i ri, Behli, pritet që të investojë rreth 200 milionë funte për ta përforcuar ekipin për sezonin e ardhshëm.

/Albanianpost.com

Lajmet kryesore