Qendra Kombëtare e Librit dhe Leximit (QKLL) ka mbajtur konferencën kushtuar krijimtarisë letrare të shkrimtarit, studiuesit dhe historianit, Jusuf Buxhovi.
Drejtoresha e QKLL-së, Alda Bardhyli, duke vlerësuar krijimtarinë dhe figurën e zotit Buxhovi, në fjalën e saj përshëndetëse, ndër të tjera u shpreh se “teksa nisa t’i lexoja librat e tij, do të zbuloja shkrimtarin, të cilin Buxhovi, si çdo intelektual tjetër në Kosovën e trazuar, e kishte lënë në heshtje”.
Në Kosovën, që orvatej drejt konfigurimit të pavarësisë së saj, ajo që kishte më shumë rëndësi ishte angazhimi i përditshëm për të ndihmuar vendin, në rrugën drejt lirisë.
“Sot kur kjo liri është fakt, mua më vjen mirë që bëhemi bashkë këtu në Tiranë, për të folur për korpusin letrar të veprave të tij, dhe të njohim më shumë Buxhovin shkrimtar, në kuadër të tetorit të librit, një muaj që ne ia dedikojmë librit shqip dhe nevojës për të komunikuar me njëri-tjetrin”, u shpreh ajo.
Kjo konferencë u organizua në kuadër të Tetorit të Librit, zhvilluar nga Qendra Kombëtare e Librit dhe Leximit, duke u dhënë këtë vit një hapësirë të veçantë shkrimtarëve nga Kosova.
I pranishëm nderi në këtë konferencë ishte Presidenti i Shqipërisë, Ilir Meta.
Midis të ftuarve dhe folësve mbi krijimtarinë e Buxhovit, ishte shkrimtari Besnik Mustafaj, poetja Mimoza Ahmeti, studiuesi Ardian Haxhaj dhe Emin Azemi.
/Albanianpost.comLajmet kryesore
-
Publikohet raporti i FMN-së: Të reduktohen shpenzimet me efikasitet të ulët – mbështetje fiskale për ata që kanë nevojë
-
Varësia nga mediat sociale – ‘rritje e ankthit dhe depresionit’
-
Flasin nga presidenca sllovene për AP: Dialogu përgjigjja për Asociacionin
-
Frika nga pushtimi rus/ Administrata Biden, opsione për evakuimin e qytetarëve amerikanë nga Ukraina
