Qatar-i po përpiqet të avancojë shkëmbimin e të burgosurve midis Izraelit dhe Hamasit

Agjencia kineze e lajmeve Xinhua raportoi se Qatar-i po përpiqet të udhëheqë një marrëveshje të shpejtë të shkëmbimit të të burgosurve midis Izrael-it dhe Hamas-it.

Një burim i Hamasit i tha agjencisë së lajmeve se propozimi i Qatar-it përfshin lirimin e grave të mbajtura nga Hamasi në këmbim të lirimit të grave të burgosura palestineze të mbajtura në Izrael.

Sipas raportit, SHBA-të mbështesin nismën dhe Hamasi ka shprehur dakordësinë në parim me kushtin që të gjitha të burgosurat palestineze të mbajtura në Izrael të lirohen.

Më herët, Qatar-i bëri thirrje për de-përshkallëzimin dhe përmbajtjen, duke e mbajtur Izrael-in vetëm përgjegjës për përshkallëzimin aktual që rezulton nga shkeljet e vazhdueshme izraelite kundër palestinezëve dhe shkeljen e të drejtave të tyre.

Qatar-i shprehu shqetësimin e tij të thellë për zhvillimet në Gaza dhe u bëri thirrje të dyja palëve për ndërprerjen e menjëhershme të përshkallëzimit dhe ushtrimin e përmbajtjes maksimale, thuhet në një deklaratë të Ministrisë së Punëve të Jashtme.

Ministria nënvizoi nevojën që komuniteti ndërkombëtar të veprojë urgjentisht dhe të detyrojë Izraelin të ndalojë shkeljet flagrante të ligjit ndërkombëtar dhe të respektojë rezolutat e legjitimitetit ndërkombëtar dhe të drejtat historike të palestinezëve.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.