Presidenti rus, Vladimir Putin, ka informuar agjencinë atomike të Kombeve të Bashkuara (IAEA) se Kremlini synon të rifillojë punën në termocentralin bërthamor Zaporizhzhia, aktualisht nën pushtimin rus, duke rritur më tej rreziqet e një aksidenti në termocentralin më të madh bërthamor në Evropë.
Kështu shkruan Wall Street Journal, në një artikull të publikuar lidhur me çështjen.
Qëllimi i Rusisë do të ishte që të rikthejë në shërbim të paktën një reaktor deri në 40 vjetorin e lidhjes së termocentralit me rrjetin elektrik të Bashkimit Sovjetik në dhjetor. Synimi për të rifilluar termocentralin iu njoftua nga vetë Putin, shefit të IAEA, Rafael Grossi, në një takim.
Ky termocentral ka qenë ndër pikat kyçe që Rusia ka dashur të kapë, duke e arritur qëllimin.
Me zhvillimin disa herë të luftimeve në afërsi të centralit, është rrezikuar vazhdimisht një incident bërthamor që mund të kishte përmasa katastrofike për gjithë kontinentin e vjetër.
Megjithatë, një ngjarje e tillë është shmangur dhe prej më shumë se një viti centrali gjendet jashtë funksionit të tij, me gjithë reaktorët e fikur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parisi i dhuron botës ceremoninë më madhështore në historinë e Lojërave Olimpike
-
Ethet Oropuche, dy vdekjet e para në botë regjistrohen në Brazil
-
Kina dhe Rusia organizojnë patrullën e parë të përbashkët bombarduese pranë Alaskës
-
Tre anëtarë të dyshuar të IS në Belgjikë akuzohen për planifikimin e një sulmi terrorist
