Putin punoi si taksist pas rënies së Bashkimit Sovjetik

Presidenti rus Vladimir Putin ka zbuluar se ka bërë taksistin pas rënies së Bashkimit Sovjetik (BRSS).

Ky moment shënoi fundin e “Rusisë historike”.

Detaji erdhi nga intervista që dha numri një i presidencës ruse për agjencinë shtetërore RIA Novosti.

Taksisti ishte një punë e dytë e Putin-it për të përballuar jetesën pas rënies së BRSS-së.

Putin, një ish-agjent i Shërbimeve të Sigurimit pranë KGB-së, më parë është ankuar për rënien e Bashkimit Sovjetik.

Shpërbërja e tre dekadave më parë, sipas presidentit rus, mbeti një “tragjedi” për “shumicën e qytetarëve”.

Komentet janë fragmente të një filmi që do të publikohet nga transmetuesi Channel One i quajtur “Rusia. Historia e fundit”.

“Në fund të fundit, cili është kolapsi i Bashkimit Sovjetik? Ky është kolapsi i Rusisë historike nën emrin e Bashkimit Sovjetik”, citohet të ketë thënë lideri rus.

Putini rrëfen se u trondit kur u shpërbë BRSS-ja, duke e quajtur kolapsin si “katastrofën më të madhe gjeopolitike të shekullit të 20-të”.

Zyrtari i lartë rus është i ndjeshëm ndaj zgjerimit të perceptuar të ambicieve ushtarake perëndimore në vendet ish-sovjetike.

Gjatë javës së kaluar, Rusia kërkoi që NATO të anulonte zyrtarisht një vendim të vitit 2008 për të hapur derën e saj ndaj Gjeorgjisë dhe Ukrainës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.