Presidenti rus Vladimir Putin nënshkroi të premten e 4 qershorit një ligj të ri që ndalon “ekstremistët” të kandidojnë për poste publike. Ky ligj rastisi në të njëjtën ditë me ditëlindjen e kritikut të Kremlin-it, Alexey Navalny.
Ky akt është dënuar nga opozita, me motivin që do të kufizojë më tej konkurrencën politike. Ligji ndalon anëtarët e organizatave “ekstremiste” ose “terroriste” të kandidojnë në zgjedhje.
Për shefin e stafit të Navalny-t, Leonid Volkov, Putin nuk e nënshkroi “aksidentalisht” ligjin të premten. Ndërkaq, gjykata pritet të japë vendimin nëse do të caktojë organizatën politike të Navalny-t si grup ekstremist.
Prokuroria e Moskës ka ngritur një proces gjyqësor në muajin prill. Nëse do të miratohet, vendimi mund të ketë pasoja serioze për ekipin e Navalny-t, që ndodhet nën presion serioz nga sulmet dhe arrestimet e policisë.
Rusia ka ligje gjithëpërfshirëse anti-ekstremizëm mbi librat që kritikët thonë se në mënyrë efektive kufizojnë lirinë e fjalës dhe të drejtat për mbledhjet publike.
Tatiana Stanovaya, analiste politike e Carnegie Moscow dhe themeluese e R.Politik tha për CNN se ligji kërcënon jo vetëm politikanët e opozitës por qytetarët e zakonshëm rusë.
Sipas saj, ligji është pjesë e një fushate më të gjerë kundër sjelljes anti-regjim në Rusi.
“Fusha e betejës është bërë shumë më e madhe, edhe një qytetar rus që merr pjesë në protesta, riposton një postim të opozitës ose e shpërndan për grupet opozitare, përballet me rrezikun e ndjekjes penale”.
Navalny ishte ndaluar më herët që të kandidonte në zgjedhjet e fundit presidenciale të Rusisë në 2018. Kjo, për shkak të dënimit të tij. Zgjedhjet e ardhshme presidenciale të Rusisë janë planifikuar në vitin 2024.
Fillimisht u mendua se Putin do të largohej për shkak të kufijve të mandatit. Por reforma kushtetuese e vitit të kaluar e lejon atë të kërkojë dhe dy mandate të tjera gjashtë-vjeçare kur të përfundojë presidenca e tij. Ai ka lënë të kuptohet se po planifikon të kandidojë përsëri.
Marrë dhe Përshtatur nga Reuters për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parisi i dhuron botës ceremoninë më madhështore në historinë e Lojërave Olimpike
-
Ethet Oropuche, dy vdekjet e para në botë regjistrohen në Brazil
-
Kina dhe Rusia organizojnë patrullën e parë të përbashkët bombarduese pranë Alaskës
-
Tre anëtarë të dyshuar të IS në Belgjikë akuzohen për planifikimin e një sulmi terrorist
