Paris Saint-Germain synon me çdo kusht transferimin e futbollistit të Manchester City-t, Bernardo Silva-n, për të cilin janë në garë edhe Barcelona dhe klubet arabe.
Kampionët e Francës tani do ta paraqesin ofertën e parë në drejtim të City-t për mesfushorin portugez.
Sipas asaj që shkruajnë mediat angleze, Parisi është i gatshëm të paraqesë një marrëveshje të bujshme shkëmbimi të dy lojtarëve për Silva-n, me parisienët që janë të gatshëm të ofrojnë shërbimet e Marco Verratti-t dhe Gianluigi Donnarumma-s.
Spekulimet kanë filluar të shtohen se 28-vjeçari mund të largohet nga “Etihad Stadium”, për të cilin më skuadra arabe, Al Hilal, kishte ofruar rreth 90 milionë euro.
Barcelona ishte një tjetër skuadër që kishte rindezur interesin e tyre të gjatë për mesfushorin javën e kaluar, me kontratën e tij prej 150 mijë funte në javë që skadon në vitin 2025.
Ndërkohë, City ka shtuar përpjekjet për ta mbajtur atë, duke i ofruar një kontratë të re dhe të përmirësuar.
Por, sipas “Foot Mercato”, skuadra e Luis Enrique-s shpreson të arrijë te futbollisti portugez, duke ofruar dy lojtarë që kanë qenë element kyç në formacionin e PSG-së.
Mediumi i lartcekur shkruan që City e ka refuzuar këtë kërkesë, megjithatë thuhet se diskutimet do të vazhdojnë.
Sigurisht që do të duhet pak punë për të shpërblyer mesfushorin portugez larg skuadrës së Guardiola-s, me Silva-n që është ishte një nga lojtarët kryesorë në fitimin e “tripletës” në sezonin e kaluar.
Kujtojmë që Silva iu bashkua Manchester City-t nga Monaco në vitin 2017 në një lëvizje prej 43 milionë funtesh dhe ka shënuar 55 gola dhe 59 asistime në 306 ndeshje në të gjitha garat.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
