Sport

PSG bën ofertën e fundit për Skrinar


Mbrojtësi i Inter-it, Milan Skrinar prej kohësh po ndiqet me interes të madh nga PSG.

Teksa vijon fazën e forcimit të skuadrës, Klubi nga “Parc des Princes” po tenton dhe një goditje të fundit.

Sipas mediave franceze, PSG do të bëjë dhe një ofertë të fundit për Skrinar-in. Më herët ata ofruan 55 milionë euro. Zikaltrit e refuzuan këtë ofertë.

Tashmë ata janë rikthyer dhe janë të gatshëm të ofrojnë 60 milionë euro. Ky është tavani i përcaktuar nga skuadra parisiene, duke qenë se Skrinar është në vitin e fundit të kontratës në “Giuseppe Meazza”.

Në rast se Inter-i refuzon sërish ofertën e PSG-së, skuadra e Ligue 1 ka dy plane alternative.

Plani i parë është marrja e Skrinar-it me parametra zero në verën e ardhshme kur të përfundojë kontratën me Inter-in. Ndërsa i dyti, të futet në garë me Chelsea-n për Wesley Fofana-n e Leicester-it.

/Albanianpost.com

Lajmet kryesore