“Asnjë cent ma shumë” është moto e protestës kundër shtrenjtimit të energjisë elektrike, e cila mbahet sot (e mërkure) me 26 janar në kryeqytetin e Kosovës, Prishtinë.
Protesta do të fillojë në orën 12:00 nga sheshi “Zahir Pajaziti” për të vazhduar deri te ndërtesa e Qeverisë së Kosovës.
Në këtë protestë do të kërkohet të mos aprovohet bllok tarifa e propozuar nga Zyra e Rregullatorit të Energjisë ZRRE dhe që të nacionalizohet KEDS-i.
Me 28 janar 2022, Qeveria e Kosovës pritet ta miratojë propozimin e ZRRE-së për shtrenjtimin e bllok tarifës.
Ndërsa të martën, kryesuesi i Bordit të Zyrës së Rregullatorit të Energjisë (ZRRE) Ymer Fejzullahu për katër orë ka raportuar në Komisionin për Ekonomi të Kuvendit të Kosovës, e ku e ka arsyetuar propozimin për shtrenjtimin e rrymës nga 1 shkurti 2022 deri më 1 mars 2023, i cili tha se kanë qenë të obliguar për këtë ngritje të çmimit.
Mirëpo, Fejzullahu ka thënë se në katër komunat veriore me shumicë serbe nuk është paraparë rritja e tarifave të energjisë elektrike sikur në gjithë vendin, duke lënë të nënkuptuar se në këtë pjesë nuk shtrihet autoriteti i institucioneve të Kosovës.
Por, se ai këtë është munduar ta arsyetoj se kjo nuk ndodh edhe në Veri për shkak të një vendimi gjyqësor.
Në anën tjetër, deputetët e opozitës kanë thënë se raporti i ZRRE-së është shkruar nga Qeveria dhe sipas tyre ky institucion i pavarur është i ndikuar nga partia në pushtet, Lëvizja Vetëvendosje (LVV).
Kryetari i Komisionit nga radhët e Partisë Demokratike të Kosovës (PDK), Ferat Shala ka thënë se ngritja e çmimeve është projekt i përbashkët mes Qeverisë Kurti dhe ZRRE-së.
Ndërsa, Ushtruesja e Detyrës së kryetares së Grupit Parlamentar të LVV-së, Mimoza Kusari-Lila, ka deklaruar se deputetët e LVV-së në Kuvend nuk do ta votojnë nesër(të mërkurën) Rezolutën me rekomandime të opozitës për refuzimin e raportit të ZRRE-së për shtrenjtimin e tarifave të energjisë elektrike.
Kusari-Lila i ka propozuar ZRRE-së që pragu i rritjes së çmimit të mos jetë 600 KWh, por në 800 KWh.
Gjatë raportimit për kategoritë e shtrenjtimit të rrymës dhe arsyen e saj, Fejzullahu bëri Të ditur se KEDS-i i ka borxh mbi 50 milionë euro Korporatës Energjetike të Kosovës (KEK), dhe theksoi se KEDS-i është i vetmi që ka kërkuar ndryshim të strukturës tarifore.
Lidhur me çështjen e shtrenjtimit të energjisë sërish është deklaruar kryeministri i Kosovës, Albin Kurti duke thënë se shumë shpejt do të dërgojnë komentet tek ZRRE, në lidhje me vendosjen e tarifave të reja të energjisë elektrike.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Sajesë dhe gënjeshtër”, thotë Mustafa për deklaratën e Kurtit për Marrëveshjen e Asociacionit
-
Çfarë dimë deri tani për sulmin e Izraelit ndaj Iranit
-
Firmoset marrëveshja për Kartën e Studentit në Shkodër
-
Kryetarja e OSBE takon Metën, flet edhe për sulmet ndaj SPAK: Gjyqësori nuk merr urdhra nga askush
Lajmet kryesore
-
‘Dezinformimi’, Nikolla kërkesë krerëve të Grupeve Parlamentare: Dërgoni emrat e anëtarëve
-
Kryemadhi mesazh Metës para mbledhjes: Çdo përjashtim është mbyllje e partisë, hiq dorë nga përjashtimet
-
Çfarë dimë deri tani për sulmin e Izraelit ndaj Iranit
-
Kalaja e Kaçanikut – Përplasja nëpër gjykata e vë në rrezik ekzistencën e një prej objekteve më të rëndësishme të Shekullit 16