Kosova

Prokuroria Speciale ngrit aktakuzë ndaj ish-gardianit serb të burgut të Prishtinës dhe Lipjanit


Ilustrim

Prokuroria Speciale e Kosovës ngriti  aktakuzë në kundër një serbi, ish-gardian në burgun e Prishtinës dhe Lipjanit, i cili dyshohet se gjatë periudhës së luftës në Kosovë 1998-1999, kreu krime lufte kundër popullatës civile.

Në njoftimin e Prokurorisë Speciale thuhet se ekziston dyshimi i bazuar se i pandehuri, në cilësinë e personit zyrtar dhe në bashkëkryerje edhe me zyrtarë tjerë të burgjeve, në mënyrë sistematike i malltretoi të burgosurit.

Gjithashtu, sipas njoftimit, përpos akuzave për krime lufte kundër popullatës civile gjatë luftës së fundit në Kosovës, ai akuzohet edhe për veprën penale “mbajtja në pronësi, kontroll ose posedim të paautorizuar të armëve”.

Serbia nuk i ka pranuar krimet e luftës në Kosovë, nuk ka kërkuar falje dhe nuk është treguar e gatshme të bashkëpunojnë me drejtësinë ndërkombëtare për t’i dorëzuar kriminelët e luftës dhe për të dhënë informacione për varrezat masive, ku janë fshehur trupat e shqiptarëve të vrarë gjatë luftës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore